شوتلانديانىڭ پرەمەر-مينيسترى نيكولا ستەردجەن ەلدىڭ ۇلىبريتانيادان ءبولىنۋ ىقتيمالدىعى تۋرالى تاعى ايتتى. بۇل تۋرالى radiosputnik.ria.ru سايتى حابارلادى.
نيكولا ستەردجەننىڭ ايتۋىنشا، شوتلانديانىڭ تاۋەلسىزدىگى ءقازىردىڭ وزىندە "ايقىن كوزقاراس ورىسىندە" جانە ەل "تاۋەلسىز ەلدەردىڭ قاتارىنان ءوز ورنىن الۋعا" دايىن.
– شوتلانديا حالقى ءوز بولاشاعىن تاڭداۋعا قۇقىلى. ەندى بارلىق كۇش-جىگەرىمىزدى ءوزىمىز جانە بولاشاق ۇرپاق ءۇشىن ءومىردى جاقسارتۋعا باعىتتايىق. مەن شوتلانديانىڭ تاۋەلسىزدىككە جەتەتىنىنە ءدال بۇلاي سەنىمدى بولعان ەمەسپىن، – دەدى جەرگىلىكتى ۇكىمەت باسشىسى.
شوتلانديا – ۇلىبريتانيا جانە سولتۇستىك يرلانديا بىرىككەن كورولدىگى قۇرامىنداعى اۆتونومدى مەملەكەت.
شوتلانديانىڭ تاۋەلسىزدىگى تۋرالى بۇعان دەيىنگى داۋىس بەرۋ 2014 جىلدىڭ 18 قىركۇيەگىندە بولعان. سودان كەيىن رەفەرەندۋمعا قاتىسۋشىلاردىڭ شامامەن 55%-ى ەلدى كورولدىكتە قالۋدى ءجون سانادى. ال سوڭعى ساۋالناماعا سايكەس، شوتلاندتاردىڭ كوبىسى تاۋەلسىزدىكتى جاقتاعان. الايدا ايماقتىڭ بولاشاعى تۋرالى شەشىم كوروناۆيرۋس پاندەمياسىنا بايلانىستى كەيىنگە قالدىرىلدى.
پىكىر قالدىرۋ