قازاقستاندا ءبىر تاۋلىكتە 689 ادامنان كوروناۆيرۋس انىقتالىپ، 7 ادام قايتىس بولعان. 68 ادامنان كوروناۆيرۋس ينفەكسياسىنىڭ بەلگىلەرى بار پنيەۆمونيا انىقتالعان. 13 444 ناۋقاس ەم قابىلداپ جاتىر.
"1 جەلتوقسانداعى مالىمەتكە سايكەس، قازىرگى ۋاقىتتا كوروناۆيرۋس ينفەكسياسىنان 13 444 ادام ەم قابىلداۋىن جالعاستىرۋدا. ولاردىڭ اراسىندا 912 بالا بار. ستاسيونارلاردا 3 586 ناۋقاس جاتىر. 9 858 ادام امبۋلاتوريالىق جاعدايدا ەمدەلۋدە. جالپى ناۋقاستاردىڭ اراسىندا 232 ادامنىڭ جاعدايى ناشار. سونىڭ ىشىندە 30 ناۋقاستىڭ ءحالى اسا قاتتى اۋىر دەپ باعالانۋدا. 31 ناۋقاس وكپەنى جاساندى جەلدەتۋ اپپاراتىنا قوسىلعان" دەلىنگەن دەنساۋلىق ساقتاۋ مينيسترلىگىنىڭ اقپاراتىندا.
ەلدە كوروناۆيرۋس تىركەلگەن العاشقى كۇننەن بۇگىنگە دەيىن ۆيرۋس جۇقتىرعاندار سانى 132 348 ادامعا جەتتى. ونىڭ ىشىندە 2041 ادام ولگەن.
1 تامىزدان بەرى 42 215 ادامنان پنيەۆمونيا انىقتالعان. ونىڭ 443ء-ى قايتىس بولعان.
پىكىر قالدىرۋ