ازەربايجان پرەزيدەنتى يلحام الييەۆ جەڭىس كۇنىن جانە تاۋلى قاراباقتاعى قاقتىعىس كەزىندە قازا تاپقانداردى ەسكە الۋ كۇنىن  بەلگىلەۋ تۋرالى جارلىققا قول قويدى. بۇل تۋرالى aze.az سايتى حابارلادى. 

جارلىققا سايكەس، 10 قاراشا ازەربايجان رەسپۋبليكاسىندا جەڭىس كۇنى بولىپ بەلگىلەندى. ال قاراباقتاعى جاعدايدىڭ تاعى ءبىر ۋشىققان ۋاقىتى – 27 قىركۇيەكتە ازەربايجاندار قازا تاپقانداردى ەسكە الاتىن بولادى.

بۇعان دەيىن 10 قاراشا كۇنى تاۋلى قاراباقتا اسكەري ارەكەتتەردى توقتاتۋ تۋرالى شەشىم قابىلدانعان. ارمەنيا، ازەربايجان جانە رەسەي اراسىندا بولعان كەلىسىم بويىنشا، بارلىق اۋداندار ازەربايجانعا قايتارىلىپ، ال باسقىنشى اسكەر سول اۋماقتان تۇگەل شىعارىلۋعا ءتيىس بولدى. 

وسىلايشا لاچين، اگدام، كەلبادجار اۋداندارى ازەربايجانعا قايتارىلىپ، باسقىنشى اسكەر ايماقتان شىعارىلدى.