ەندى تۋدى عيماراتتارعا، عيمارات ىشىندەگى پاتەر بالكوندارىندا جانە مەرەكەلىك ءىس-شارالار وتكىزىلەتىن جەرلەردە پايدالانۋعا بولادى. بۇل تۋرالى zakon.kz سايتى حابارلادى.
27 قاراشادا پرەمەر-مينيستر اسقار مامين عيماراتتاردىڭ قاسبەتتەرىنە مەملەكەتتىك تۋدى ىلۋگە رۇقسات بەرەتىن "قازاقستان رەسپۋبليكاسىنىڭ مەملەكەتتىك تۋىن، مەملەكەتتىك ەلتاڭباسىن جانە ولاردىڭ بەينەلەرىن، سونداي-اق قازاقستان رەسپۋبليكاسىنىڭ مەملەكەتتىك ءانۇران ءماتىنىن پايدالانۋ (بەلگىلەۋ، ورنالاستىرۋ) ەرەجەلەرىن بەكىتۋ تۋرالى" قازاقستان رەسپۋبليكاسى ۇكىمەتىنىڭ 2007 جىلعى 2 قازانداعى قاۋلىسىنا وزگەرىستەر مەن تولىقتىرۋلارعا قول قويدى.
قاۋلىعا سايكەس، ەرەجەدە 4-تارماقتىڭ ءبىرىنشى ابزاسى تومەندەگىدەي كورسەتىلگەن:
قازاقستان رەسپۋبليكاسىنىڭ مەملەكەتتىك تۋىن جەكە جانە زاڭدى تۇلعالارعا پاتريوتتىق سەزىمدەرىن، قازاقستاندىق بىرەگەيلىگىن ءبىلدىرۋ، ەلدىڭ، ونىڭ ازاماتتارىنىڭ جەتىستىكتەرىن قولداۋ ماقساتىندا عيماراتتاردا (تۇرعىن جانە تۇرعىن ەمەس ءۇي-جايلاردا)، عيمارات ىشىندەگى پاتەر بالكوندارىندا جانە مەرەكەلىك ءىس-شارالار وتكىزىلەتىن جەرلەردە پايدالانۋعا (ورناتۋعا) بولادى.
بۇعان دەيىن قازاقستان پرەزيدەنتى قاسىم-جومارت توقايەۆ مەملەكەتتىك رامىزدەردى پايدالانۋ ەرەجەلەرىن قايتا قاراۋ تۋرالى ۇسىنىس جاساعان بولاتىن.
پىكىر قالدىرۋ