2021 جىلعى 10 قاڭتاردا قازاقستاندا پارلامەنت ءماجىلىس پەن جەرگىلىكتى ءماسليحاتتاردىڭ كەزەكتى سايلاۋى وتەدى. وعان "NurOtan"،  "بىرلىك"، "اۋىل"، "اق جول"، قازاقستاننىڭ حالىق پارتياسى قاتىسادى. ال جالپى ۇلتتىق سوسيال-دەموكراتيالىق پارتياسى سايلاۋعا بايكوت جاريالاعان بولاتىن. وسىعان قاتىستى ساياساتكەر، وپپوزيسيالىق "دات" گازەتىنىڭ جەتەكشىسى ەرمۇرات باپي "نەگە" توك-شوۋىندا  پىكىر ءبىلدىردى. 

– قوعامداعى بەلگىلى ءبىر ۇيىمنىڭ بايكوت جاريالاۋى مەن پارتيانىڭ بايكوتى ەكى بولەك دۇنيە. جسدب پارتياسىنىڭ جاريالاعان بايكوتى بيلىكتىڭ ىقپالىمەن جاسالعان. ەگەر بۇل پارتيا سايلاۋعا تۇسكەندە، 30 پايىز داۋىستى الار ەدى. سوندىقتان ولاردىڭ بۇل قادامىنا 10 قاڭتاردان كەيىن توڭكەرىس بولىپ كەتپەۋى ءۇشىن بيلىكتىڭ  جاساعان ارەكەتى دەپ باعا بەرۋگە بولادى. دەمەك، جسدپ قوعامنىڭ بايكوتىن ەمەس، بيلىكتىڭ بايكوتىن قابىلدادى. باستىسى بۇل سايلاۋدا ينتريگا قالمادى. ازارت جوق. قىزىق جوق. ەشقانداي ساياسي مۇددەلەردىڭ قاقتىعىسى دا جوق. ازاماتتىق قوعام سەنگەن ءبىر-اق پارتيا بولدى. ول دا ەندى ءبىتتى. اقشا جوق دەگەن سىلتاۋ عانا. بۇل پارتيا ەلدەگى ءاربىر ءوفيسىن قارجىلاندىرىپ جاتىر. 14 وبلىستاعى ءوفيستى قارجىلاندىرۋعا قانشاما ميلليون قاراجات كەرەك؟!. بۇنى پارتياعا بيلىك بەردى مە، باسقا بەردى مە، بىلمەدىم. سول اقشاعا جسدپ حالىقتىڭ، قوعامنىڭ مۇددەسىن ساتىپ كەتتى، – دەدى ساياساتكەر.