الماتىدا تەاترلاردىڭ جۇمىسىنا رۇقسات بەرىلدى. بۇل تۋرالى الماتى قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىندا ايتىلعان.
قاۋلىعا سايكەس، تەاترلاردا وتىرۋ ورىندارىنىڭ تولۋى 50% اسپاۋى ءتيىس.
10 قاراشادان باستاپ infokazakhstan.kz پورتالىنا تىركەلۋ ارقىلى جۇمىس ىستەۋگە رۇقسات ەتىلەدى.
«مادەني نىسانداردا الەۋمەتتىك اراقاشىقتىق ساقتالۋى مىندەتتى. سونداي-اق، سانيتارلىق-دەزينفەكسيالىق رەجيم، جەلدەتۋ جانە اۋانى باپتاۋ جۇيەلەرى ۇزدىكسىز جۇمىس ىستەپ تۇرۋى كەرەك. وعان قوسا، اۋانى ساۋلەلەندىرۋ (كۆارس) ۇسىنىلادى»،– دەلىنگەن الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشيننىڭ كوروناۆيرۋس ينفەكسياسىن الدىن-الۋ جونىندەگى جاڭا قاۋلىسىندا.
سونداي-اق، 10 قاراشادان باستاپ كۇشەيتىلگەن سانيتارلىق-دەزينفەكسيالىق رەجيمدى ساقتاي وتىرىپ، ءدىني وبەكتىلەردىڭ قىزمەتىنە رۇقسات بەرىلدى.
پىكىر قالدىرۋ