وڭىرلىك كوممۋنيكاسيالار قىزمەتى الاڭىندا وتكەن ونلاين-بريفينگ بارىسىندا الماتى قالاسى المالى اۋدانى اكىمىنىڭ ورىنباسارى ەردەن حايرۋللين اۋداندا جۇزەگە اسىرىلىپ جاتقان الەۋمەتتىك جوبالار تۋرالى ايتىپ بەردى.

مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا وسكەلەڭ ۇرپاقتىڭ سپورتتىق، شىعارماشىلىق الەۋەتىنە ەرەكشە نازار اۋدارۋ قاجەتتىگىن اتاپ وتكەن بولاتىن.

«باقىتجان ساعىنتايەۆتىڭ تاپسىرماسى بويىنشا «شىڭعا ورلەۋ» الەۋمەتتىك جوباسى جۇزەگە اسىرىلۋدا، ونىڭ ماقساتى – جاعدايى تومەن وتباسىلاردان شىققان باستاۋىش سىنىپتاردا وقيتىن بالالاردى اعا بۋىن وكىلدەرىنىڭ تاربيەسىنە باۋلۋ»، — دەپ اتاپ ءوتتى ە. حايرۋللين.

سونداي-اق المالى اۋدانىندا اۋدانى 100 شارشى مەتر بولاتىن «Asyl Mura» دومبىرا ورتالىعىن اشۋ جوسپارلانۋدا. مۇندا دومبىرانى قۇرمانعازى اتىنداعى كونسەرۆاتوريانىڭ وقىتۋشىلارى تەگىن ۇيرەتەتىن بولادى.

«2020 جىلدىڭ 9 ايىندا الەۋمەتتىك جاۋاپكەرشىلىك اياسىندا 8 بالالار الاڭى، 9 سپورت الاڭى جانە بوكس الاڭى (گاگارين داڭعىلىنداعى بۋلۆار، سوماسى 6 ملن تگ) سالىندى. حالىقتى جۇمىسپەن قامتۋ جانە شاعىن جانە ورتا بيزنەستى قولداۋ ماسەلەلەرى بارلىق دەڭگەيدەگى اكىمدەر قىزمەتىنىڭ باستى باسىمدىعى. ءدال وسى باعىت بويىنشا جۇمىسپەن قامتۋ جانە كاسىپكەرلىكتى قولداۋ ماسەلەلەرى بويىنشا «Almaly» حالىققا قىزمەت كورسەتۋ ورتالىعىن اشۋعا باستاما جاسالدى، ول 2020 جىلدىڭ قىركۇيەگىنەن باستاپ جۇمىس ىستەيدى جانە ءوز ءىسىن اشۋ جانە دامىتۋ كەزىندە كونسالتينگتىك قىزمەتتەردى الۋدا قولايلى ەتىپ «ءبىر تەرەزە» فورماتىندا جاسالعان، سونداي-اق مەملەكەتتىك قولداۋ تۇرلەرى مەن قۇرالدارى، بيزنەس جۇرگىزۋدىڭ وزەكتى ماسەلەلەرى بويىنشا اقپاراتتىندىرۋدا حالىقتىڭ وڭ پىكىرلەرىنە يە»،– دەيدى سپيكەر.