دەمالىس كۇندەرى جاس-قانات ىقشام اۋدانىندا 250 اعاش وتىرعىزىلدى.
تۇركسىب اۋدانىنىڭ اكىمى باقىتجان اقجاروۆ دەمالىس كۇندەرى جاس-قانات شاعىن اۋدانىندا 250-گە جۋىق اعاش وتىرعىزىلعانىن مالىمدەدى. سونداي-اق كوپبالالى وتباسىلاردىڭ اتسالىسۋىمەن «باقىتتى وتباسى» اللەياسى پايدا بولعان.
"ورتالىقتىڭ قامقورلىعىنداعىلار كوكتەم كەزىندە ناۋرىز مەيرامىنا جانە كۇز كەزىندە 31 قازاندا جىل سايىن وسىندا گۇلدەر مەن اعاشتار وتىرعىزۋ تۋرالى شەشىم قابىلدادى. بولاشاقتا شاعىن اۋداننىڭ بالاباقشاسىنىڭ ارتىنداعى بوس ورىندى تولىققاندى ساياباققا اينالدىرۋ جوسپاردا بار"، - دەدى اۋدان اكىمى.
جالپى، ماۋسىم باستالعاننان بەرى اۋدان بويىنشا 9500 جاس اعاش وتىرعىزىلعان، جىل سوڭىنا دەيىن تاعى 33 000-نان استام اعاش وتىرعىزۋ جوسپارلانۋدا. قازىرگى ۋاقىتتا كىشى الماتى، باسقاراسۋ جانە ەسەنتاي وزەندەرىندە، جاس قانات، المەرەك جانە ماياك شاعىن اۋداندارىندا، سونداي-اق №198 مەكتەپ اۋلاسىندا كوگالداندىرۋ جۇمىستارى جۇرگىزىلۋدە.
پىكىر قالدىرۋ