قازاقستاننىڭ تۇڭعىش پرەزيدەنتىنىڭ نەمەرەسى ايسۇلتان راحات كوكايننىڭ ارتىق دوزالانۋىنان قايتىس بولدى، دەپ حابارلادى Financial Times گازەتى.
باسىلىم مالىمەتىنشە، بۇل اقپارات ەلباسىنىڭ كۇيەۋ بالاسى تيمۋر قۇلىبايەۆتىڭ قىتايعا گاز قۇبىرىن سالۋ تۋرالى كەلىسىمشارتتاردان ونداعان ميلليون دوللار العانىنا قاتىستى تەرگەۋدە جاريالاندى.
ايسۇلتان نازاربايەۆ Financial Times گازەتىنە بەرگەن سۇقباتىندا ءوزى بىلەتىن اقپاراتتاردى بولىسەتىنىن اتاپ ايتقان. سونداي-اق ول وپپوزيسيا وكىلدەرىمەن مۇناي-گاز سالاسىنداعى سىبايلاس جەمقورلىق سىزباسىن اشكەرەلەگەن. جەمقورلىققا قاتىسى بار وتباسى مۇشەلەرى مەن كرەملدەن وسى ىسكە قاتىستى ادامداردىڭ ەسىمدەردىڭ اشىپ ايتتى. باسىلىمنىڭ زەرتتەۋى بويىنشا، كەيبىر قۇجاتتاعى اقپاراتتار ايسۇلتان راحاتتىڭ ايتقانىمەن سايكەس كەلگەن.
13 اقپان كۇنى ايسۇلتان راحات facebook پاراقشاسىندا رەسەي مەن قازاقستان ۇكىمەتى اراسىنداعى ۇلكەن كولەمدەگى سىبايلاس جەمقورلىق تۋرالى اقپاراتقا يە ەكەندىگىن، قازاقستاندىق گاز رەسەيلىك گازپرومعا "ءبىر تيىنعا" ساتىلاتىنىن جازعان.
ەسكە سالساق، 16 تامىزعا قاراعان ءتۇنى لوندون قالاسىندا قازاقستاننىڭ ەكس-پرەزيدەنتى نۇرسۇلتان نازاربايەۆتىڭ جيەنى ايسۇلتان راحات قايتىس بولعانى حابارلانعان.
پىكىر قالدىرۋ