الماتىدا ەلىمىزدە العاش رەت «ەرىكتىلەر اللەياسى» اشىلدى. اللەيا الماتى قالالىق «Jas Otan» جاستار قاناتىنىڭ باستاماسىمەن، قالالىق قوعامدىق دامۋ باسقارماسىنىڭ قولداۋىمەن جۇزەگە استى. 

«ەرىكتىلەر اللەياسى» جەتىسۋ اۋدانىنىڭ «گۇلدەر» ساياباعىندا ورىن الدى. ءىس – شاراعا 20-دان استام ەرىكتى ۇيىمىنىڭ جەتەكشىلەرى مەن بەلسەندى مۇشەلەرى قاتىسىپ، شىرشا اعاشىنىڭ كوشەتتەرىن وتىرعىزدى. 

"شارانى وتكىزۋدەگى باستى ماقسات «ەرىكتىلەر جىلىنىڭ» اياسىندا قالامىزداعى بارلىق بەلسەندى ەرىكتىلەر ۇيىمىنىڭ باسىن بىرىكتىرۋ. قالا اكىمىنىڭ «Jasyl Almaty» جوباسىن جۇزەگە اسىرىپ، ەكولوگيامىزدىڭ جاقسارۋىنا ۇلەس قوسۋ. اللەيا جىلدان-جىلعا جاڭا اعاشتارمەن تولىعىپ، ەرىكتىلەر ۇيىمىنىڭ سانى ارتا بەرەدى دەگەن ويدامىن. اتالمىش يدەيانى جۇزەگە اسىرۋعا قولداۋ كورسەتكەن قالالىق قوعامدىق دامۋ باسقارماسىنا العىس بىلدىرەمىز"، - دەدى  الماتى قالالىق «Jas Otan» جاستار قاناتىنىڭ ءتوراعاسى مادي احمەتوۆ.

ايتا كەتەيىك، ۇيىمداستىرۋشىلار ءىس-شارانىڭ ءوتۋ بارىسىندا بارلىق كارانتين شارالارى ساقتالعانىن ايتادى.