جاڭادان اشىلعان سكەيت-پارك باستاۋىش، ورتا جانە جوعارى دەڭگەيلى رايدەرلەرگە باعىتتالعان.
تۇركىسىب اۋدانىنىڭ اكىمى باقىتجان اقجاروۆ جاس قانات شاعىن اۋدانىندا سكەيت-پاركتىڭ قۇرىلىسى اياقتالعانىن مالىمدەدى. وندا روليكتى كونكي، سكەيتبوردتار مەن ۆمح ۆەلوسيپەدپەن جۇرۋگە بولادى.
"مۇندا ءار ءتۇرلى دەڭگەيدەگى سپورتپەن شۇعىلداناتىن جاسوسپىرىمدەر كوپتەپ كەلەدى. ەكسترەمالدى سپورت تۇرلەرىمەن اينالىساتىن ادامدار ءۇشىن تارتىلىس ورتالىعىن قۇرۋ يدەياسى بۇرىننان بەرى پايدا بولدى. «DWS Group» كومپانياسىنىڭ دەمەۋشىلىگىنىڭ ارقاسىندا ونى ىسكە اسىرۋعا مۇمكىندىك تۋدى"، - دەپ جازدى اۋدان اكىمى facebook-تەگى پاراقشاسىنا.
سەيت-پارك 2 ايماققا بولىنگەن: ستريت ايماعى (قالالىق ورتاعا ەلىكتەۋ) جانە جاڭادان كەلگەن سپورتشىلاردى جاتتىقتىرۋعا ارنالعان كوپتەگەن بوس ورىندار مەن جابدىقتاردى ۇسىناتىن فلەت ايماعى بار.
سكەيت-پاركتىڭ جاساقتالۋى كورسەتىلىم قويىلىمدارىن، دەمو-شوۋلاردى، ماستەر-كلاسستاردى، سونداي-اق جەرگىلىكتى، وڭىرلىك، رەسپۋبليكالىق جانە حالىقارالىق دەڭگەيدەگى جارىستاردى وتكىزۋگە مۇمكىندىك بەرەدى.
"سونىمەن قاتار، شاعىن اۋداندى بەلسەندى كوگالداندىرۋدى جالعاستىرۋدامىز. بۇگىن تاعى 100 اعاش وتىرعىزىلدى. جوعارىدا ايتىلعانداي، وسىعان ۇقساس جۇمىستار اۋداننىڭ تاعى بىرنەشە اۋماعىندا قاتار جۇرگىزىلۋدە. اۋدانىمىزدىڭ جاسىل قورىن ساقتاۋ جانە كوبەيتۋ ءبىز ءۇشىن نەگىزگى مىندەتتەردىڭ ءبىرى"، - دەدى ب. اقجاروۆ.
پىكىر قالدىرۋ