شىعىستاعى كۇرشىم اۋدانىندا ۇلى ابايدىڭ 175 جىلدىعىنا وراي الاڭ اشىلدى. بۇل تۋرالى Altaynews حابارلادى.

الاڭنىڭ قاق ورتاسىنا حاكىمنىڭ الىپ ەسكەرتكىشى قويىلدى. قولادان قۇيىلعان اقىننىڭ سۇلباسىنىڭ جالپى بيىكتىگى – 6 مەتر. 10 مىڭنان استام تۇرعىنى بار اۋدان ورتالىعىندا بۇرىن ۇلى ابايدىڭ ەسىمى بەرىلگەن بىردە-بىر نىسان بولماعان.

سوندىقتان جالپى اۋماعى بىرنەشە گەكتار بولاتىن ورتالىق الاڭعا ابايدىڭ ەسىمى بەرىلدى. ال ساياباق تولىق اباتتاندىرىلىپ، جان-جاعىنا جارىق قويىلدى.

بۇل بولاشاقتا ءتۇرلى مادەني شارالاردى تۇندە دە وتكىزىپ، حالىقتىڭ ەمەن-ەركىن سەرۋەندەۋىنە دە مۇمكىندىك بەرەدى.

سونداي-اق الاڭنىڭ ءار جەرىنە مۋزىكالى سۋبۇرقاق ورناتىلدى. ۇزىندىعى 20، ەنى 10 مەترلىك سۋ بۇرقاقتى سالۋعا اۋدانداعى كاسىپكەرلەردە قول ۇشىن بەردى.

بيىل كۇرشىم اۋدانى ورتالىعىندا 4 كوشەنىڭ جولى تولىق جوندەلىپ، اباتتاندىرىلدى. بۇل جۇمىستاردىڭ ءبارى شەكارالىق اۋداندى دامىتۋ بويىنشا اتقارىلدى. ال اۋدانداعى جالپى ەلدى مەكەندەردىڭ ينفراقۇرىلىمىن جوندەۋگە بيىل 5 ملرد-قا جۋىق تەڭگە ءبولىندى.

"مۇنىڭ ءبارى حالىق ءۇشىن، كەيىنگى ۇرپاق ءۇشىن. ەسكەرتكىشتىڭ، الاڭنىڭ ۇگىت-ناسيحات، يدەولوگياعا ماڭىزى وتە زور. ءبىز نەگىزى ءسوزىمىزدى ابايمەن باستاپ، ۇرپاقتى ابايمەن تاربيەلەسەك، كەلەشەكتە ۇتىلمايتىنىمىز حاق"، - دەيدى اقىن قاسەن زاكاريا.