الماتى قالاسىنىڭ اسكەريلەرى "جاقىنىڭا ءومىر سىيلا" اتتى قان تاپسىرۋ اكسياسىن وتكىزدى.
اتالعان اكسيا كەڭەس وداعىنىڭ باتىرى، جازۋشى، ەكىنشى دۇنيەجۇزىلىك سوعىستىڭ داڭقتى جاۋىنگەرى، اسكەري قولباسشى باۋىرجان مومىش ۇلىنىڭ 110 جىلدىق مەرەي تويى قارساڭىندا ۇيىمداستىرىلعان.
"الماتىداعى 07029 اسكەري ءبولىمنىڭ قىزمەتشىلەرى بۇگىن جاردەم ءىس-شاراسىن وتكىزدى. اسكەريلەر كارانتيندىك تالاپتاردى ساقتاي وتىرىپ الماتى قالاسى قايتارىلمايتىن قان ورتالىعىندا "جاقىنىڭا ءومىر سىيلا" اتتى قان تاپسىرۋ اكسياسىن ۇيىمداستىردى. بۇل ماڭىزدى ءىس-شارا قازاقستان رەسپۋبليكاسى قورعانىس مينيسترلىگىنەن قولداۋ تاپتى. سوندىقتان اسكەري قىزمەتشىلەر بۇل اكسيانى بىردەن قولداپ، ات سالىسىپ، بەلسەندىلىگىن كورسەتىپ، وتانعا دەگەن پاتريوتتىق سەزىمىن جانە قازاقستان رەسپۋبليكاسىنىڭ ناعىز ازاماتى ەكەندەرىن تانىتا ءبىلدى"، - دەيدى اسكەري ءبولىم كومانديرى نۇرلان مارات ۇلى.
قازىرگى پاندەميا جاعدايىندا قان تاپسىرۋ ماڭىزدى ءىس-شارانىڭ ءبىرى. قالاداعى اسكەريلەر ەپيدەميولوگيالىق جاعداي ورناعان العاشقى كۇننەن بەرى العى شەپتە جۇمىس اتقارىپ كەلەدى، وعان قوسا ناۋقاس ادامدارعا قان تاپسىرۋدى ءوز بورىشتارى ساناپ وتىر
اسكەريلەر سونداي-اق قازاقستان رەسپۋبليكاسى پرەمەر-مينيسترىنىڭ نۇسقاماسى بويىنشا ۇيىمداستىرىلعان بۇل اكسياعا قولداۋ بىلدىرگەن ق ر قورعانىس مينيسترىنە العىستارىن ءبىلدىردى.
پىكىر قالدىرۋ