الماتىدا «قىزىل الما – بەرىك جانە باقىتتى وتباسىنىڭ سيمۆولى» اتتى قايىرىمدىلىق فەستيۆالى ءوتتى.
ونلاين فورماتتا ۇيىمداستىرىلعان شاراعا رەسپۋبليكامىزدىڭ ءار وڭىرىنەن تاعدىر تاۋقىمەتىن تارتقان مۇمكىندىگى شەكتەۋلى 43 بالا قاتىستى. تالانتتى جاس بۇلدىرشىندەر ءان شىرقاپ، بي بيلەپ، ولەڭ وقىدى. سونداي-اق ۇيىمعا كومەكتەسكەن ەرىكتىلەرگە باعالى سىيلىقتار مەن سەرتيفيكاتتار تابىستالدى.
«ءبىز بۇل شارانى 9-رەت وتكىزىپ جاتىرمىز. ءبىراق سوڭعى ءۇش جىل قاتارىنان فەستيۆال رەتىندە وتكىزۋدەمىز. دامۋىندا نەمەسە قارىم-قاتىناسىندا بەلگىلى ءبىر قيىندىقتارعا تاپ بولعان بالالار، شىن مانىندە، ىشتەرىندە ۇلكەن تالانتقا يە. بالانىڭ تالانتىن اشۋ ماقساتىندا ءبىز وسىنداي ءىس-شارا وتكىزىپ جاتىرمىز»، – دەدى فەستيۆال ۇيىمداستىرۋشىسى ەلميرا الييەۆا.
پىكىر قالدىرۋ