20 قاراشا – دۇنيەجۇزىلىك بالالار كۇنى. كونۆەنسيانى 1989 جىلى بىرىككەن ۇلتتار ۇيىمىنىڭ باس اسسامبلەياسى قابىلداعان ەدى. وسىعان وراي، الماتىدا بالا قۇقىعى جونىندەگى ومبۋدسمەن ارۋجان ساين ونلاين كونفەرەنسيا وتكىزدى.

ول بالالاردىڭ قۇقىعى اياق استى بولماۋى ءۇشىن جۇيەلى وزگەرىستەر قاجەت ەكەنىن ايتادى. سوزىنشە، 1 جىلدان استام ۋاقىتتا ومبۋدسمەنگە 500-دەن اسا شاعىم كەلىپ تۇسكەن. ولاردىڭ باسىم كوپشىلىگى مۇمكىندىگى شەكتەۋلى بالالارعا الەۋمەتتىك قىزمەتكەرلەردىڭ جاقسى قاراماۋى، اتا-انالاردىڭ اليمەنت تولەمەۋىنە قاتىستى ەكەن.

«دۇنيەجۇزىلىك بالا كۇنى بالالاردىڭ قۇقىقتارى تۋرالى ولاردى قامتاماسىز ەتۋدەگى قول جەتكەن جەتىستىكتەر مەن ماسەلەلەر تۋرالى حاباردار بولۋدى ارتتىرۋدى ارنالعان جىل سايىنعى شارا. ءاربىر بالا قورعالۋعا، ءقاۋىپسىز ءومىر سۇرۋگە، ونىڭ وقۋعا جانە ءوزىنىڭ دارىنى مەن مۇمكىندىكتەرىن ىسكە اسىرۋعا بارلىق جاعدايلارى بولۋعا ءتيىس. بىرىككەن ۇلتتار ۇيىمىنىڭ بالا قۇقىقتارى تۋرالى كونۆەنسياسىنا 30 جىل. ءبىزدىڭ ەلىمىز بۇل كونۆەنسيانى 1994 جىلى راتيفيكاسيالادى»، – دەدى ق ر بالالاردىڭ قۇقىعىن قورعاۋ بويىنشا ۋاكىل ارۋجان ساين.