مەگاپوليستەگى اباتتاندىرىلعان ۆەلوينفراقۇرىلىمىنىڭ ۇزىندىعى 82 شاقىرىم.

الماتىنىڭ قالالىق موبيلدىلىك باسقارماسى حابارلاعانداي، قىسقى ماۋسىمدا ۆەلوسيپەدشىلەردىڭ قواۋىپسىزدىگى ءۇشىن ۆەلوجولاقتاردان بلوكيراتورلار — بوللاردتاردان الىنىپ تاستالادى. بۇل جولداردى قاردان تازارتۋ ءۇشىن قاجەت.

بايتۇرسىنوۆ كوشەسى بويىنداعى ۇزىندىعى 2،19 شاقىرىم بولاتىن ۋچاسكە مەن قونايەۆ كوشەسى بويىنداعى ۇزىندىعى 2،2 كم اۋماق بوللاردتارمەن جابدىقتالعان. كوكتەمدە ولار ءوز ورىندارىنا قايتا قويىلادى.

جالپى، بۇگىنگى كۇنى الماتىدا 82 شاقىرىم ۆەلوسيپەد ينفراقۇرىلىمى — ۆەلوجولدار مەن ۆەلوجولاقتار اباتتاندىرىلعان. اتاپ ايتقاندا، اباي داڭعىلى بويىنداعى بولىنگەن جولدار (دوستىق داڭعىلىنان ورتالىق ستاديونعا دەيىن)؛ «اتاكەنت» كورمە ورتالىعى اۋماعىنداعى ۆەلوجولدار؛ تيميريازيەۆ كوشەسى بويىنداعى (بايتۇرسىنوۆ كوشەسىنەن جاروكوۆ كوشەسىنە دەيىن)؛ كابلۋكوۆ كوشەسى بويىنداعى (وتەپوۆ كوشەسىنەن تورايعىروۆ كوشەسىنە دەيىن)؛ تورايعىروۆ كوشەسى بويىنداعى (كابلۋكوۆ كوشەسىنەن سايىن كوشەسىنە دەيىن)؛ سايىن كوشەسىندەگى (تورايعىروۆ كوشەسىنەن رىسقۇلبەكوۆتىڭ وڭتۇستىگىنە قاراي)؛ جىبەك جولى داڭعىلىنداعى (ءۋاليحانوۆ كوشەسىنەن مجدپ-نە دەيىن)؛ گوگول كوشەسىندەگى (پۋشكين كوشەسىنەن جەلتوقسان كوشەسىنە دەيىن، قالداياقوۆ كوشەسىنەن قايىربەكوۆ كوشەسىنە دەيىن) ۆەلوجولدار.

سونىمەن قاتار، كولىكتىڭ قوزعالىس بولىگىنەن بولىنگەن ۆەلوجولاقتار دا رەتكە كەلتىرىلدى. ولار مىنا كوشەلەردىڭ بويلارىنا ورنالاسقان: بايتۇرسىنوۆ كوشەسى (ماقاتايەۆ كوشەسىنەن تيميريازيەۆ كوشەسىنە دەيىن)؛ قونايەۆ كوشەسى (اباي داڭعىلىنان ماقاتايەۆ كوشەسىنە دەيىن)؛ ماقاتايەۆ كوشەسى (ءۋاليحانوۆ كوشەسىنەن بايتۇرسىنوۆ كوشەسىنە دەيىن)؛ شيەۆچەنكو كوشەسى (قونايەۆ كوشەسىنەن جاروكوۆ كوشەسىنە دەيىن)؛ بۇقتىرما كوشەسى (مايلين كوشەسىنەن قۇلجا تراكتىنە دەيىن)؛ جاروكوۆ كوشەسى (تيميريازيەۆا كوشەسىنەن وتەپوۆ كوشەسىنە دەيىن)؛ وتەپوۆۋ كوشەسى (جاروكوۆ كوشەسىنەن كابلۋكوۆ كوشەسىنە دەيىن)؛ ءۋاليحانوۆ كوشەسى (رايىمبەك داڭعىلىنان اباي داڭعىلىنا دەيىن).

قازىرگى كەزدە ۆەلوجولدار جەلىسىن ودان ءارى كەڭەيتۋ ءۇشىن ۆەلوسيپەد ينفراقۇرىلىمىن دامىتۋدىڭ تۇجىرىمداماسى جاسالۋدا.