الماتى اكىمى ب. ساعىنتايەۆتىڭ تاپسىرماسىمەن الەۋمەتتىك جاعىنان حالىقتىڭ وسال توبى ساناتىنا كىرەتىن تۇرعىنداردىڭ ۇيلەرىن گازبەن قامتۋ جۇيەسىنە تەگىن قوسادى. سونىمەن بىرگە، Halyk Bank-تەن 300 مىڭعا دەيىن پايىزسىز نەسيە الۋ مۇمكىندىگى بەرىلەدى.

وسى ماقساتتا الماتى قالاسىنىڭ اكىمدىگى، «حالىق بانك» اق جانە «قازترانسگاز ايماق» اق اراسىندا ءۇشجاقتى مەموراندۋم جاسالدى.

بۇل جۇمىس قالانىڭ جەكە سەكتور تۇرعىندارى گازبەن جابدىقتاۋ جۇيەسىنە ءالى قوسىلماعان اۋداندارىندا بەلسەندى جۇرگىزىلىپ جاتىر. مىسالى، الاتاۋ اۋدانىندا التى ءۇي گازعا قوسىلعان. 33 ءۇي بويىنشا مونتاج جۇمىستارى اياقتالىپ، قوسۋ ءۇشىن قۇجاتتار ازىرلەنۋدە.

گازعا قوسۋ ءۇشىن پايىسسىز جانە كەپىلسىز نەسيە 18 ايعا دەيىنگى مەرزىمگە بەرىلەدى. قوسىمشا اقپاراتتى اۋداندىق اكىمدىكتەردەن الۋعا بولادى.