الماتى اكىمى باقىتجان ساعىنتايەۆتىڭ تاپسىرماسىمەن جانە COVID-19 ەكىنشى تولقىنىنا دايىندىق اياسىندا قالادا بالالار مەن قارت ادامدارعا تەگىن پروفيلاكتيكالىق تەكسەرۋ جۇرگىزىلۋدە.

تۇركسىب اۋدانىندا پروفيلاكتيكالىق تەكسەرۋلار جۇرگىزۋ جايلى №19 قالالىق ەمحانانىڭ باس دارىگەرى كامشات ايتقازينا وڭىرلىك كوممۋنيكاسيالار قىزمەتىنە بەرگەن ونلاين-سۇحبات بارىسىندا ايتىپ بەردى.

تج رەجيمى مەن كارانتين كەزىندە پروفيلاكتيكالىق تەكسەرۋلەردىڭ جۇرگىزىلمەۋىنە بايلانىستى، حالىقتىڭ الەۋمەتتىك جاعىنان ەڭ ءالسىز توپتارىن تەكسەرۋمەن قامتۋ شەشىمى قابىلداندى. ءبىرىنشى كەزەكتە، بۇل كوپتەگەن سوزىلمالى اۋرۋلارى بار جاسى ۇلكەن ادامدار توبى (65 جانە ودان جوعارى جاستاعى) جانە 16 جاسقا دەيىنگى بالالار.

تۇركسىب اۋدانىندا 7 مەديسينالىق ۇيىم جۇمىلدىرىلعان، وندا 242 081 ادامعا قىزمەت كورسەتىلەدى، ونىڭ ىشىندە 16 جاسقا دەيىنگى بالالار 66 460-تى قۇراسا، 65 جاستان اسقان 20 918 ادامدى قۇرايدى. ديسپانسەرلىك ەسەپتە ەرەسەك جاستاعى توپتا 15 543 ادام جانە 12 712 بالا بار.

ك. ايتقازينانىڭ ايتۋىنا قاراعاندا، پروفيلاكتيكالىق تەكسەرۋلار جۇرگىزۋدە الەۋمەتتىك جاعدايى ءالسىز وتباسىلاردان شىققان بالالارعا، بۇل كوپبالالى وتباسىلارعا، ءبىر عانا اتا-انا تاربيەلەپ وتىرعان بالالارعا، مۇمكىندىگى شەكتەۋلى بالالارعا ەرەكشە كوڭىل بولىنەدى.

«مەديسينالىق ۇيىمدارمەن ءبىرىنشى كەزەكتە نىسانالى توپتار قۇرىلىپ، مۋلتيديسيپلينارلىق كوماندالاردىڭ قۇرامى بەكىتىلىپ، ارنايى ۇيگە شاقىرتۋ بويىنشا بارۋ كەستەسى جاسالدى»، — دەدى باس دارىگەر.

وسىلايشا، 12 760 بالانى جانە 65 جاستان اسقان 11 700 ادامدى تەكسەرۋ جوسپارلانعان.

ونىڭ ىشىندە كوپبالالى وتباسىلاردان — 608 بالا. 1 اتا-انا تاربيەلەپ وتىرعان بالالاردان — 104 بالا. مۇمكىندىگى شەكتەۋلى بالالاردان — 415 بالا.

قۇرامىندا:
- 65 جاستان اسقان ادامدار ءۇشىن جالپى تاجىريبەلىك دارىگەر مەدبيكەسىمەن، نيەۆروپاتولوگ، كارديولوگ، وتولارينگولوگ؛
- بالالار ءۇشىن پەدياتر دارىگەر، نيەۆروپاتولوگ، وكۋليست، وتولارينگولوگ، بالالار حيرۋرگى بار بريگادالار قۇرىلدى. پاتولوگيا انىقتالعان جاعدايدا، پاسيەنتتەر ەسەپكە الىنىپ، دەنساۋلىعىندا انىقتالعان اقاۋلارعا بايلانىستى، ەم تاعايىندالادى.

ناۋرىز ايىنان تامىزعا دەيىن كارانتيندىك شارالار ەنگىزىلگەنىن ەسكەرە وتىرىپ، كوپتەگەن ديسپانسەرلىك ناۋقاستار مەرزىمدى ديسپانسەرلىك تەكسەۋدەن ۋاقىتىلى وتە المادى، سول سەبەپتى ءبىر جاعىنان تولىقتاي تەكسەرۋ جۇرگىزۋ، ياعني، فليۋروگرافيالىق تەكسەرۋ، ءىش قۋىسى ورگاندارىنا جانە بۇيرەككە ۋلترادىبىستىق تەكسەرۋ، جالپى قان تالداۋى، جالپى ءزار تالداۋى، قاننىڭ بيوحيميالىق تالداۋى، ارتەريالىق قىسىم مەن كوز قىسىمىن ولشەۋ جۇرگىزۋ جوسپارلانعان.

«اۋرۋ بەلگىلەرى بويىنشا قارت ادامدارعا كۇندىزگى ستاسيوناردا، ءۇي ستاسيونارىندا ەم تاعايىندالادى، سونىمەن بىرگە، تەگىن دارىلىك قۇرالداردى جەتكىزۋ قامتاماسىز ەتىلەدى»، — دەپ اتاپ ءوتتى ك. ايتقازينا.

نىسانالى توپ پەن ءقاۋىپتى توپتاعىلار COVID-19 جۇقتىرۋعا الدەقايدا بەيىم ەكەنىن ەسكەرە وتىرىپ، مۋلتيديسيپلينارلىق توپتار اقپاراتتىق جۇمىسقا ەرەكشە نازار اۋدارۋدا.

بۇدان باسقا، حالىقتى كوروناۆيرۋس ينفەكسياسىنىڭ جەكە جانە قوعامدىق الدىن الۋ شارالارى تۋرالى اقپاراتتاندىرۋ ەمحانالاردىڭ سايتتارىندا، الەۋمەتتىك جەلىلەردە جانە قوعامدىق ورىنداردا اقپارات، بەينەروليكتەر ورنالاستىرۋ ارقىلى جۇرگىزىلەدى.

سونىمەن بىرگە، اقپاراتتىق بۋكلەتتەر ازىرلەنىپ، الماتى قالاسى حالقىنىڭ اراسىندا تاراتىلدى.