الماتىدا ينتەرنەتكە قولجەتىمدىلىك جانە ونىڭ ساپاسىن جاقسارتۋ بويىنشا كوپ جۇمىستار جاسالدى. بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن ونلاين-بريفينگ بارىسىندا قالانىڭ سيفرلاندىرۋ باسقارماسىنىڭ باسشىسى بايان قوڭىربايەۆ ايتتى.

«بۇل جۇمىستى ءبىز ءبىر جىل بۇرىن باستادىق. ناتيجەسىندە بىزدە الماتى قالاسى بويىنشا 200-دەن استام نۇكتە بار، بايلانىسى ناشار بولعاندارى جابىلدى. قالا جانە اگلومەراسيا پەريمەترى بويىنشا جەكەمەنشىك سەكتورداعى نۇكتەلەردى جابۋعا نازار اۋدارىلۋدا»، — دەپ اتاپ ءوتتى ب. قوڭىربايەۆ.

باسقارامانىڭ مالىمەتىنشە، ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى ۇيالى بايلانىس وپەراتورلارىمەن بىرلەسىپ انتەننا-دىڭگەك قۇرىلىستارىن سالۋ جانە بازالىق ستانسيالاردى ورناتۋ ءۇشىن 67 نۇكتە انىقتالعان بولاتىن. بۇل نۇكتەلەر ۇيالى بايلانىس وپەراتورلارى مەن الماتى قالاسى اكىمدىگىنىڭ وكىلدەرىمەن كەلىسىلدى. بارلىق مەكەن-جايلاردىڭ ىشىنەن 6 نۇكتە بارلىق قاجەتتى ينستانسيالاردان وڭ قورىتىندى الدى، بىرەۋى سانيتارلىق نورمالارعا قاتىستى ماسەلە بولدى، ءبىراق سانيتارلىق پاسپورت الىندى.

«LC Commerce» ج ش س كومپانياسىمەن جاڭا 25 نۇكتە بويىنشا زەرتتەۋلەر جۇرگىزىلدى جانە «مت-س» جشس-مەن راديو-جوسپارلاۋ بويىنشا ماسەلەلەر كەلىسىلدى. «موبايل تەلەكوم-سەرۆيس» ج ش س وسى نۇكتەلەر بويىنشا سانيتارلىق پاسپورتتاردى الۋ ءۇشىن جۇمىس ىستەۋدە.

«كار-تەل» ج ش س 12 جاڭا ستانسيانى ىسكە قوستى، سونداي-اق 3 نۇكتە بويىنشا جۇمىستار جۇرگىزىلۋدە. قوسىمشا، الماتى قالاسىنىڭ جاقىن مەكەن-جايلار بويىنشا 9 بازالىق ستانسيا ىسكە قوسىلدى.

«Kcell» اق جاڭا بازالىق ستانسيالاردى مونتاجداۋ بويىنشا جۇمىستار جۇرگىزىلىپ جاتقان 6 مەكەنجاي بويىنشا اقجار شاعىن اۋدانىنداعى ءانشىقۇم ك-سى، 1 (ناۋرىزباي اۋدانى)، زاريا-ۆوستوك شاعىن اۋدانىنداعى سادوۆايا ك-سى، 166 (الاتاۋ اۋدانى) جانە اباي ك-سى، 90 (بوستاندىق اۋدانى) ستانسيانى ىسكە قوستى. قالعان 3 نۇكتە بويىنشا جۇمىستار جالعاسۋدا.

بۇگىنگى تاڭدا ءبىلىم باسقارماسىمەن بىرلەسىپ ينتەرنەتپەن قيىندىقتار بايقالاتىن نۇكتەلەر پىسىقتالۋدا، سونداي-اق ءبىلىم باسقارماسى بەرگەن نۇكتەلەر بويىنشا كەمىندە ەكى ءموبيلدى وپەراتور قامتىلعان.

سونداي-اق جەكە ينۆەستورلار «بيلاين» كومپانيالارىنىڭ جاڭا ستانسياسىن ىسكە قوستى. كەڭساي شاعىن اۋدانىندا اعىمداعى جىلدىڭ جەلتوقسان ايىنىڭ ورتاسىنا جوسپارلانعان جاڭا بازالىق ستانسيانى ورناتۋ بويىنشا جۇمىستار جۇرگىزىلۋدە.

«جاڭا بازالىق ستانسيالاردى ورناتۋ تۇرعىنداردىڭ راديوفوبياسى سياقتى، سونداي-اق، ناقتى كەڭساي شاعىن اۋدانى بويىنشا تاۋلى جەرلەر بولعاندىقتان ورىن تابۋ ماسەلەسى قيىندايدى»، — دەپ قورىتىندىلادى ب. قوڭىربايەۆ.