ورتالىق سايلاۋ كوميسسياسىنىڭ بۇگىنگى وتىرىسىندا ۇلتتىق بايقاۋشىلارعا قاتىستى جاڭا تالاپتار قويىلماعانى حابارلاندى.
– ەنگىزىلگەن ەشبىر جاڭالىق جوق. ءبارى دە ورتالىق سايلاۋ كوميسسياسىنىڭ قاۋلىلارىنا نەگىزدەلگەن. شىنايى فاكتتار بولعاندىقتان وسى قاۋلى (باقىلاۋشىلاردىڭ جۇمىسى تۋرالى) قابىلداندى. سەبەبى بىزدەگى ۇكىمەتتىك ەمەس ۇيىمداردىڭ ۇشتەن ءبىرى ءوز جۇمىسىن تۇراقتى تۇردە جۇرگىزبەيدى. سايلاۋ كوميسسيالارى ولاردىڭ قايسىسى جۇمىس ىستەيتىنىن، قايسىسى جۇمىس ىستەمەيتىنىن تەكسەرە المايدى. سول سەبەپتى ۇلتتىق باقىلاۋشى رەتىندە سايلاۋ ۋچاسكەسىنە تىركەلۋ ءۇشىن ناقتى قانداي قۇجاتتاردىڭ كەرەكتىگىن ناقتىلادىق، – دەپ ءتۇسىندىردى كوميسسيا ءتوراعاسىنىڭ ورىنباسارى كونستانتين پەتروۆ.
ودان بۇرىن زاڭدى تۇلعالاردىڭ جارعىسىندا ازاماتتاردىڭ بايقاۋشى بولۋعا قۇقىعى بارى حابارلانعان بولاتىن. ازاماتتىق كودەكستىڭ تالاپتارىنا سايكەس (141، 106، 107-باپتار) زاڭدى تۇلعانىڭ قۇرىلتاي قۇجاتتارىندا ونى قۇرۋدىڭ ءمانى مەن ماقساتتارى كورسەتىلۋى ءتيىس.
پىكىر قالدىرۋ