ۋحاندا ءبىر ايدا ءبىر دە ءبىر كوروناۆيرۋس جاعدايى تىركەلمەدى. ۋحان تۇرعىندارى قالىپتى ومىرگە ورالدى. بازاردا ساۋدا جاساپ، دالاعا شىعىپ، تازا اۋادا قىدىرا الادى. كوروناۆيرۋس ينفەكسياسى العاش ۋحاندا شىعىپ، الەمگە تارادى. 4000 ادام كوروناۆيرۋستان قايتىس بولدى.
30 جىلدىق تاجىريبەسى بار شاشتاراز «قالادا ۆيرۋس ءورشىپ تۇرعان ۋاقىتتى ەسكە الۋدىڭ ءوزى اۋىر» دەپ كوزىنە جاس الدى.
– كارانتين باستالعاندا ءسان سالونىمدى جابۋعا تۋرا كەلدى. اقشادان قينالعاندىقتان عيماراتتى جالعا بەرۋشى ءبىر ايدىڭ اقشاسىن تولەمەۋگە رۇقسات بەردى. كارانتين كەزىندە ارىپتەستەرىممەن بىرىگىپ ەرىكتى رەتىندە ادامداردىڭ شاشىن تەگىن قيدىق. مەن 2000 ادامنىڭ شاشىن قيدىم. ونىڭ اراسىندا مەديسينا قىزمەتكەرلەرى كوپ. ولاردىڭ شاشىن قيعاندا كوروناۆيرۋستان قورعايتىن كيىمنەن باستارىنا ءىز قالعانىن بايقادىم. بۇنى كورگەندە كوزىمە جاس كەلدى. اۋرۋحانادا جۇمىس ىستەيتىن قىزمەتكەرلەردىڭ شاشىن قيۋ ءقاۋىپتى ەدى. قورىققانىم دا راس. ينفەكسيا جۇقتىرماي جولىم بولدى. وتباسىممەن تۇراتىندىقتان ايەلىم بالالار ءۇشىن قورىقتى. «تاعى سىرتقا شىعاتىن بولساڭ پوليسياعا حابارلاسامىن» دەدى. مەن جاتاقحاناعا كوشۋدى ۇيعاردىم. ۇيدەن شىعىپ، ايەلىم ەسىكتى جاپقاندا كوز جاسىما ەرىك بەردىم. ءبىراق شاشتاراز رەتىندە قولىمنان كەلگەنشە كومەكتەسۋ مىندەتىم ەدى، – دەپ ەسكە الدى.
شاشتاراز ارنايى كيىم كيىپ، تازا اۋادا جۇمىس ىستەگەن. شاشىن قيعان ءار دارىگەر ونىڭ كيىمىنە قولتاڭباسىن قالدىرىپ وتىرعان. ونىڭ ايتۋىنشا، حالىق ءۇشىن قيىن ساتتە جاساعان جاقسىلىعىنىڭ ارقاسىندا جۇمىسى العا باستى. ءقازىر ونىڭ سالونىنا حالىق بۇرىنعىدان دا كوپ كەلەدى. كاسىبى جۇمىس وسى قارقىنمەن جۇرسە، 2021 جىلى سالوننىڭ فيليالىن اشۋ ويىندا بار.
كاسىپكەرلەردىڭ بارلىعىنىڭ بىردەي ءدال بىلاي تاسى ورگە دومالامادى. كاسىپكەرلەر تۇتىنۋشىلار سانى از بولعاندىقتان تاۋارىن ارزانعا ساتۋعا ءماجبۇر.
ۋحاندا 8 ساۋىردە كارانتين جاريالاندى .2 مامىردا مەكەمەلەردىڭ اشىلۋىنا رۇقسات بەرىلدى. دەسە دە قالا بيلىگى كوروناۆيرۋسپەن كۇرەس ءالى اياقتالماعانىن ايتادى. ۋحان تۇرعىندارى 76 كۇن كارانتيندە وتىرۋعا ءماجبۇر بولعان. 4000 ادام كوروناۆيرۋستان قايتىس بولدى.
Hot-Dry Noodles مەيرامحاناسىنىڭ ديرەكتورى ۋانگ يۋليان لوكداۋننان كەيىن مەيرامحاناعا ادامدار ءالى دە كوپ كەلمەيتىنىن ايتادى.
– ادامدار ءالى دە قورقادى. ءبىز اقشامىزدى جوعالتىپ جاتىرمىز. ماسەلەن، ءقازىر جاڭبىر جاۋىپ تۇر. سايكەسىنشە ادام قاراسى دا از. بۇرىن كومەكشى جالداۋعا مۇمكىندىگىم بولماعاندا ءوزىم 20 ساعات جۇمىس ىستەيتىنمىن. مەن بالالارىمدى اياقتاندىرۋ ءۇشىن قولىمنان كەلگەننىڭ ءبارىن جاسايمىن، – دەيدى ۋانگ يۋليان.
پىكىر قالدىرۋ