«بايتەرەك» حولدينگى ەلدىڭ «جاسىل» ەكونوميكاعا كوشۋ جونىندەگى باستامالارىن ءار ءتۇرلى قۇرالدار – «دامۋ» قورى ارقىلى «بيزنەستىڭ جول كارتاسى» شەڭبەرىندە نەسيە تولەۋ ستاۆكالارىنا كەپىلدىك بەرۋ جانە سۋبسيديالاۋ تۇرىندە، سونداي-اق جاڭارتىلاتىن ەنەرگيا كوزدەرىن، تازا تەحنولوگيالار مەن ينفراقۇرىلىمدى دامىتۋ سياقتى حالىقارالىق قارجى ۇيىمدارىمەن جانە ستراتەگيالىق سەرىكتەستەرمەن ءتيىمدى قاتىناستار ورناتۋدا كومەك كورسەتەدى.

بۇگىنگى كۇنى «قازاقستاننىڭ دامۋ بانكى» اق، «قازىنا كاپيتال مەنەدجمەنت» اق، «قدب-ليزينگ» اق جاڭارتىلاتىن ەنەرگيا كوزدەرىن دامىتۋ بويىنشا 295،8 ملرد.تەڭگە سوماسىندا جالپى نەسيەلىك سوماسى 155 ملرد.تەڭگەگە 9 جوباعا قولداۋ كورسەتتى.

«بايتەرەك» حولدينگى ەلىمىزدىڭ ەڭ اۋقىمدى الەۋمەتتىك جوبالارىنىڭ ءبىرى – «سارىارقا» گاز قۇبىرىنىڭ ءبىرىنشى كەزەڭىنىڭ قۇرىلىسىن قارجىلاندىردى. گاز قۇبىرى – تومەن كومىرتەكتى ەنەرگياعا كوشۋدى قامتاماسىز ەتەتىن ستراتەگيالىق ينفراقۇرىلىمدىق وبەكت. گاز قۇبىرى بويىندا ورنالاسقان ەلدى مەكەندەردە ينفراقۇرىلىمدى دامىتۋ مەن جاڭا جۇمىس ورىندارىن قۇرۋدان تۇراتىن جوبانىڭ جوعارى الەۋمەتتىك-ەكونوميكالىق ماڭىزدىلىعىن اتاپ ءوتۋ قاجەت. «بايتەرەك» حولدينگى جوبالىق قارجىلاندىرۋ ءبولىمىنىڭ ديرەكتورى اسەت تاجىكەنوۆ:

- «جاسىل» ەكونوميكاعا كوشۋ تۇجىرىمداماسى ءىرى جۇيەلىك قايتا قۇرۋلاردىڭ نەگىزىن قالادى. وزدەرىڭىز بىلەتىندەي، تۇراقتى دامۋ جۇيەسى ەڭ الدىمەن مەملەكەتتىك قۇرىلىمنىڭ ءۇش كومپونەنتىنە نەگىزدەلگەن: ەكونوميكالىق، الەۋمەتتىك جانە ەكولوگيالىق. ەلدىڭ تۇراقتى دامۋىنىڭ ەكولوگيالىق كومپونەنتى ىرگەلى بولىپ تابىلادى جانە قازاقستاننىڭ «جاسىل» ەكونوميكاعا كوشۋى تابيعي كاپيتالدى جانە ەكوجۇيەنى ساقتاپ قانا قويمايدى، سونىمەن قاتار تابيعي رەسۋرستاردى ۇتىمسىز پايدالانۋدان ەكونوميكالىق شىعىنداردى ازايتادى، بۇل حالىقتىڭ ءومىر ءسۇرۋ ساپاسىنا، ونىڭ ءال-اۋقاتىنا تىكەلەي اسەر ەتەدى، - دەيدى.

ەكولوگيالىق ماسەلەلەر بويىنشا بەلسەندى ازاماتتىق ۇستانىم يننوۆاسيالاردى، كۇندەلىكتى ومىردە جانە «تازا» تەحنولوگيالاردى ەنگىزۋگە قاتىسۋ دا «جاسىل» ەكونوميكانى قالىپتاستىرۋ جولىندا قوزعاۋشى كۇش بولىپ تابىلادى.