2019 جىلى «قازاگرو» ۇبح» اق  ەنشىلەس ۇيىمى – «اگرارلىق نەسيە كورپوراسياسى » اق  نەسيەلىك پورتفەلى - 37%، ال اۋىلشارۋاشىلىعىنا نەگىزگى كاپيتالعا سالىنعان ينۆەستيسيالار - 41% ءوستى. بۇل تۋرالى Qamshy.kz سايتىنا ەكوميكالىق باقىلاۋشى سەرگەي دومنين حابارلادى.

«سونىمەن قاتار، نەگىزگى كاپيتالعا ينۆەستيسيالاردىڭ «بىلىگى» شامامەن 500 ميللياردتى قۇرايدى، ال Aگرارلىق نەسيە كورپوراسياسى نەسيەلىك پورتفەلىنىڭ ءوسىمى شامامەن 100 ميللياردتى قۇرايدى. بۇل قارجى ينستيتۋتىنىڭ ءرولى ايتارلىقتاي سالماقتى، ءارى ايقىن ەكەنىن بىلدىرەدى»، - دەپ اتاپ ءوتتى سەرگەي دومنين.

ەكونوميكالىق باقىلاۋشى، مەملەكەتتىك دامۋ ينستيتۋتتارى قازاقستاندىق اۋىلشارۋاشىلىق تاۋار وندىرۋشىلەرىنىڭ نەگىزگى كرەديتورلارى بولىپ قالا بەرەتىندىگىن اتاپ ءوتتى. سالا كاسىپورىندارى جەڭىلدەتىلگەن مەملەكەتتىك نەسيە الا وتىرىپ، سونىڭ قايتارىمى رەتىندە باسەكەگە قابىلەتتى ءونىم شىعاراتىندىعىنا جانە سول ونىمدەرىمەن ەكسپورتقا شىعاتىنىنا نازار اۋدارۋى كەرەگىن ماڭىزدى دەپ سانايدى دومنين.

Ranking.kz مالىمەتتەرىنە سۇيەنسەك، سوڭعى 5 جىلدا اۋىل شارۋاشىلىعىنا ينۆەستيسيالار جىلىنا شاققاندا ورتا ەسەپپەن 26،8% -عا ءوسىپ وتىر. اگرارلىق نەسيەلىك كورپوراسيا سالاداعى ينۆەستيسيالىق بەلسەندىلىكتى ارتتىرۋدا ماڭىزدى ءرول اتقاردى، دەپ جازادى بۇل پورتالدا. 2020 جىلى ول 41،6 ميلليارد تەڭگەگە – 48 ينۆەستيسيالىق جوبانى، ال 2019 جىلدىڭ سوڭىندا 53 ميلليارد تەڭگەگە – 117 جوبانى قارجىلاندىردى. مۇنىڭ ءبارى ناتيجەسىندە قازاقستانداعى ازىق-تۇلىك قاۋىپسىزدىگىنىڭ ارتۋىنا اسەر ەتەدى.

دومنين 2020 جىلدىڭ قىركۇيەك ايىنا قاراي ەلدى 18 ازىق-تۇلىك توبىمەن قامتاماسىز ەتۋ جۇمىستارى «جاسىل» ايماقتا بولعانىن اتاپ ءوتتى.

«12 توپ بويىنشا مەنشىكتى ءوندىرىستىڭ ۇلەسى  ءوستى. ال قالعاندارى بويىنشا ءبىز ىلگەرى دامۋدىڭ جوقتىعىن نەمەسە  ناشارلاعانىن كورەمىز. مىسالى،  جارما، ءسۇت ونىمدەرى، بالىق ونىمدەرىن وندىرۋشىلەردىڭ قارقىنى جاقساردى»، - دەيدى ول.

الايدا ستاتيستيكا، ءدومنيننىڭ ايتۋىنشا، ۇسىنىلاتىن ءونىمنىڭ ساپاسى مەن اسسورتيمەنتىن ەسكەرمەي وتىر. ستاتيستيكا بويىنشا تىركەلگەن «جاسىل» ايماقتاعى تاۋارلىق توپتار ۇلەسىنىڭ تومەندەۋى بەلگىلى ءبىر دارەجەدە ءونىمنىڭ كەڭەيتىلگەن ءتۇرىن كورسەتەدى.

اگرارلىق نەسيە كورپوراسياسىنىڭ 2019 جىلعى ەسەبىندە، قازاقستاننىڭ ەتپەن قامتاماسىز ەتىلۋى 85 پايىزدان استى دەپ كورسەتىلگەن. قىزىل ەت ، مىسالعا، سيىر ەتى ءۇشىن يمپورت 5% -دان اسپايدى جانە يمپورتتالعان ەت ونىمدەرى تەك ەت وڭدەۋ سالاسىندا قولدانىلادى.

Aگرارلىق نەسيە كورپوراسياسىنىڭ ونەركاسىپ سالاسى ءۇشىن ماڭىزدىلىعىن Fitch اگەنتتىگى اتاپ ءوتتى. ول كوكتەمدە كومپانيا رەيتينگىن تۇراقتى بولجاممەن BBB- دەڭگەيىنە كوتەردى. ونداعى رەيتينگتەردىڭ جاقسارۋى «اگرارلىق نەسيە كورپوراسياسىنىڭ ەكونوميكانىڭ ستراتەگيالىق ماڭىزدى بولىمىندە جۇزەگە اسىرىلىپ وتىرعان» ماڭىزدى ميسسياسىمەن بايلانىستى بولدى. اگەنتتىكتىڭ حابارلاۋىنشا، «قازاگرو» اكتيۆتەرىن شوعىرلاندىرعاننان كەيىن، اگرارلىق نەسيە كورپوراسياسى اۋىلشارۋاشىلىق تاۋار وندىرۋشىلەرىنە قول جەتىمدى نەسيەلەندىرۋدىڭ باسىم كوزىنە اينالىپ وتىر.