اقش-تىڭ ازىق-تۇلىك جانە دارى-دارمەكتەرمەن قامتاماسىز ەتۋ باسقارماسى Pfizer-BioNTech كوروناۆيرۋس ۆاكسيناسىن قولدانۋعا رۇقسات بەردى.
اگەنتتىك مۇنى پاندەمياعا قارسى "ماڭىزدى وقيعا" دەپ مالىمدەدى.
كوروناۆيرۋستان 95%-عا دەيىن قورعايدى دەلىنگەن ۆاكسينانى امەريكالىق باسقارما ءقاۋىپسىز ءارى ءتيىمدى دەپ تاپتى.
اقش پرەزيدەنتى دونالد ترامپ العاشقى ۆاكسيناسيا "24 ساعاتقا جەتپەيتىن ۋاقىتتا" جاسالاتىنىن ايتتى.
– بۇگىن ءبىزدىڭ ۇلتتىق مەديسينا عاجايىپقا قول جەتكىزدى. ءبىز تەك توعىز ايدا ءقاۋىپسىز جانە ءتيىمدى ۆاكسينانى جاسادىق، – دەدى ترامپ
Pfizer ۆاكسيناسى ءقازىردىڭ وزىندە ۇلىبريتانيادا، كانادادا، باحرەيندە جانە ساۋد ارابياسىندا زاڭدى تۇردە ماقۇلدانعان. وسى ەلدەر سياقتى، اقش ەگدە جاستاعى تۇرعىندارعا، مەديسينالىق قىزمەتكەرلەر مەن ەرەكشە جاعدايلار بريگاداسىنا ۆاكسينانىڭ العاشقى دوزالارىن بەرەدى.
اقش-تا قاراشا ايىنان باستاپ كوروناۆيرۋس بويىنشا ءولىم كۇرت وسۋدە. سارسەنبىدە ەلدە 3000-نان استام ءولىم تىركەلدى. بۇل – الەمدەگى ەڭ جوعارى كورسەتكىش.
پىكىر قالدىرۋ