قازاقستانعا شەت مەملەكەتتەردەن كەلگەن جولاۋشىدىڭ 84 پايىزىندا پتر-انىقتامالار جوق. بۇل تۋرالى كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا حابارلادى.

ۆەدومستۆوارالىق كوميسسيانىڭ مالىمدەۋىنشە، 2020 جىلدىڭ 11 جەلتوقسانىندا قازاقستانعا مىسىر، تۇركيا، ءباا، اۋعانستان، رف، بەلارۋس رەسپۋبليكاسى جانە وزبەكستاننان 17 حالىقارالىق اۋە رەيسى كەلگەن.

2039 اۋە جولاۋشىلارىنىڭ ىشىندە پتر-تەستىلەۋدىڭ تەرىس ناتيجەسى بار انىقتامامەن 1725 ادام، انىقتاماسىز 314 ادام كەلگەن. 

ونىڭ ىشىندە:

نۇر-سۇلتان قالاسىنىڭ اۋەجايىنا – 8 رەيس، 629 جولاۋشى، انىقتامامەن – 576؛ انىقتاماسىز – 53؛

الماتى قالاسىنىڭ اۋەجايىنا – 8 رەيس، 1 409 جولاۋشى، انىقتامامەن – 1 148، انىقتاماسىز – 261؛

شىمكەنت قالاسىنىڭ اۋەجايىنا – 1 رەيس، 1 جولاۋشى انىقتامامەن كەلگەن.

انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاسيونارلاردا ءوز ناتيجەلەرىن كۇتۋدە.