رەسەيدىڭ مەملەكەتتىك دۋما دەپۋتاتى ەۆگەنيي فەدوروۆ "بەلارۋس ينفو" ۋoutube ارناسىنا بەرگەن سۇقباتتا "قازاقستان رەسەيگە ءوز اۋماعىن قايتارۋعا ءتيىس" دەگەن مالىمدەمە جاساپ، ارىپتەسى ۆياچەسلاۆ نيكونوۆتىڭ ايتقانى دۇرىس ەكەنىن جەتكىزدى.

– ەلەستەتىپ كورىڭىز، ءسىز ءوز جولداسىڭىزعا اۆتوكولىك سىيلادىڭىز، ارتىنان ءبىر جىلدان سوڭ كەلىپ "ۆاسيا، مەنىڭ سىيلىعىم قالاي؟" دەپ سۇرايسىز. ال، ول سىزگە "قايداعى سىيلىق؟ مەن بۇل اۆتوكولىكتى سەنەن ءوندىرىپ العانمىن نەمەسە باسقا دۇنيەگە ىستەگەنمىن" دەسە قالاي؟ ول ادامنىڭ سىزگە جولداس ەمەس ەكەنىن تۇسىنەسىز. سەبەبى دەنى دۇرىس ادام "كەرەمەت سىيلىق نەمەسە ناشار سىيلىق" دەپ ايتىپ، العىسىن ءبىلدىرىپ، "كەيىن قايتارامىن" دەپ ايتادى، – دەدى ەۆگەنيي فەدوروۆ.

دەپۋتاتتىڭ ايتۋىنشا، رەسەي قازاقستانعا "جەردى قايتارىڭدار" دەپ تالاپ قويۋى كەرەك. 

– قازاقستاننىڭ رەسمي ورگاندارى "ءبىز ەشقانداي سىيلىقتى بىلمەيمىز، بۇل – سىيلىق ەمەس، ءبىز سەندەردەن تارتىپ الدىق" دەپ جاتىر. بۇل جەر يا سىيلىق، يا بولماسا تارتىپ الىنعان بولۋى كەرەك. وندا قازاقستاندىقتار، سىزدەرمەن باسقاشا سويلەسىپ كورەيىك. ءبىر ورىس ادامنىڭ جەردى سىيعا بەرگەنىن ءبىلۋ ءبىر باسقا، ال بۇل جەردەگى ماسەلەدە سەندەر الدىڭدار دا تۇكىرىپ تاستادىڭدار. بۇل جەردە قازاقستاننىڭ ءسىم سولاي ىستەپ جاتىر. ءبىز (رەسەي-رەد) جەر اۋماعىن ءبولۋ كەزىندە 1991 جىلى قابىلدانعان شەشىمدەردى قاراپ شىعايىق دەسەك، ءمورالدى تۇرعىدان عانا شەكتەۋ بولىپ تۇر. قازاقستانمەن دوس سياقتىمىز، ولارمەن جانجالداسۋدىڭ كەرەگى جوق سياقتى. ءبىراق سەندەر ءبىزدىڭ سىيلىقتى مىسە تۇتپاساڭدار، دوس بولماساڭدار، سەندەر ءبىزدىڭ قولىمىزدى بايلاپ وتىرسىڭدار. رەسەي "ەگەر ءبىزدىڭ سىيلىقتى مويىنداماساڭدار، قايتارىپ بەرىڭدەر. سەبەبى سەندەر ونى زاڭسىز الدىڭدار" دەپ تالاپ قويۋى كەرەك. نەگە زاڭسىز؟ سەبەبى كسرو-نىڭ اۋماعىنان ءبولىنىپ شىققان مەملەكەتتەر سول قۇرامعا كىرگەن كەزدە يەلەنگەن جەرلەردى وتكىزۋى كەرەك دەگەن زاڭ بار، قازاقستان دا وسى ورىس تىلىندە جازىلعان زاڭعا داۋىس بەرگەن. قازاقستان كسرو-دان جەردى جالعا العان. "جولداس نازاربايەۆ، توقايەۆ، ءسىم كەتكىلەرىڭىز كەلسە، "چەموداندارىڭىزدى" الىپ كەتىڭىزدەر" دەۋ كەرەك. سول كەزدە ولار "باراتىن جەرىمىز جوق" دەيدى. ال وعان ءبىزدىڭ قاتىسىمىز قانشا؟ – دەدى دەپۋتات.