«Nur Otan» پارتياسى قىزىلوردا وبلىستىق فيليالى اتىنان ق ر پارلامەنتى ءماجىلىسى مەن وبلىستىق جانە قالالىق ءماسليحاتىنىڭ دەپۋتاتتىعىنا كانديداتتار «قازپوشتا» اق قىزىلوردا فيليالى قىزمەتكەرلەرىمەن كەزدەستى.

ءىس-شارا بارىسىندا كانديداتتار سالا ماماندارىمەن پىكىر الماسىپ، ءتۇرلى ماسەلەردى سارالادى.

باسقوسۋعا  ق ر پارلامەنتى ءماجىلىسى دەپۋتاتتىعىنا ۇمىتكەر عالىم امىرەيەۆ، وبلىستىق ءماسليحات دەپۋتاتتىعىنا ۇمىتكەرلەر گۇلنار ەسقالييەۆا، نۇربولات يبرايەۆ، ماعجان ەرالييەۆ، قالالىق ءماسليحات  دەپۋتاتتىعىنا ۇمىتكەر ايگۇل مۇسابايەۆا، اجىبەك مامپايەۆ سايلاۋالدى باعدارلاماداعى نەگىزگى  مىندەتتەردى  تانىستىردى.

ق ر پارلامەنتى ءماجىلىسى دەپۋتاتتىعىنا ۇمىتكەر عالىم امىرەيەۆ، الەمدىك كوروناۆيرۋستىق پاندەميا ءبىزدىڭ ەلدىڭ ەكونوميكالىق جاعدايىنا كەرى اسەرىن تيگىزگەنىن، حالىقتىڭ قاۋىپسىزدىگى باستى ورىندا ەكەنىن ايتتى.

– 2020 جىل ءبىز ءۇشىن ۇلكەن سىناقتاردىڭ جىلى بولدى. كوروناۆيرۋستىق پاندەميا ءبىزدىڭ ءومىرىمىزدى، باسىمدىقتاردى وزگەرتىپ، كوپتەگەن سۇراقتارعا باسقاشا قاراۋعا ءماجبۇر ەتتى. ءبىز باستى قۇندىلىق ادامنىڭ ءومىرى مەن دەنساۋلىعى ەكەنىن تۇسىندىك. قازاقستان دا الەمنىڭ باسقا ەلدەرى سەكىلدى ۇزاق مەرزىمدى كارانتينگە جانە شەكتەۋ شارالارىنا بايلانىستى ۇلكەن قيىندىقتارعا تاپ بولدى. وسى سىن-قاتەرلەرگە قاراماستان، «Nur Otan» پارتياسى ەكونوميكانىڭ تۇراقتىلىعىن قامتاماسىز ەتۋ ءۇشىن، قىزمەت جاساپ تۇرعان جۇمىس ورىندارىن ساقتاپ قالۋ جانە جاڭا جۇمىس ورىندارىن اشۋ ءۇشىن سونداي-اق، وبلىسىمىزدى ءقاۋىپسىز ءارى جايلى ەتۋ ءۇشىن بار كۇشىن سالادى، – دەدى عالىم امىرەيەۆ.

ال قالالىق ءماسليحات  دەپۋتاتتىعىنا ۇمىتكەر ايگۇل مۇسابايەۆا "30 جىلدان استام ءبىلىم بەرۋ سالاسىندا قىزمەت ەتىپ كەلەمىن. دامىعان 30 ەلدىڭ قاتارىنا ەنۋ ۇرپاق تاربيەسى مەن بىلىمىنە تىكەلەي تاۋەلدى ەكەنىن ەسكەرسەك، پارتيانىڭ ءبىلىم بەرۋ سالاسىنا قاتىستى جوسپارى ۇلكەن كومەك كوزىنە اينالدى. ءبىلىم بەرۋ سالاسىنىڭ ءتورت ساتىسى پارتيا باعدارلاماسىندا تولىق قامتىلعان. ەلباسىمىز تاۋەلسىزدىك العان جىلداردان بەرى ءبىلىم بەرۋ ىسىنە كوڭىل ءبولىپ، ءتۇرلى باعدارلامانىڭ جارىققا شىعۋىنا مۇمكىندىك سىيلادى. سوندىقتان پارتيا مىندەتىنىڭ باستى نەگىزى – ءبىلىم ساپاسىن ارتتىرۋ. قازىرگى تاڭدا ماڭىزدى ساياسي ناۋقاننىڭ الدىندا تۇرمىز. ءاربىر ۇمىتكەر ەلەۋلى ماسەلەنىڭ شەشىم تابۋىنا اتسالىسىپ جۇرگەن ازاماتتار. وعان قوسا، سايلاۋالدى باعدارلامادا ءتۇرلى سالاداعى ماسەلەلەر كورسەتىلىپ، شەشىم جولدارى ناقتىلانعان. سوندىقتىن سەنىم ءبىلدىرىپ، قولداۋ تانىتۋلارىڭىزدى سۇرايمىن" دەدى.

«قازپوشتا» اق قىزىلوردا فيليالى ديرەكتورىنىڭ ورىنباسارى ايزات ىزتەلەۋوۆا، ۇمىتكەرلەردى زامان اعىمىنا ساي تالاپتاردى يگەرگەن پوچتا قىزمەتىمەن تانىستىردى.

– قىزىلوردا وبلىسى بويىنشا حالىققا 189 بايلانىس بولىمشەسى قىزمەت كورسەتىپ كەلەدى، ونىڭ ىشىندە قىزىلوردا قالاسىندا 18 قالالىق بايلانىس بولىمشەسى جانە بايلانىس پۋنكتتەرى بار. وبلىس  بويىنشا 656 ادام جۇمىس ىستەيدى، وندا زەينەتاقى جانە باسقا دا الەۋمەتتىك تولەمدەر مەن جاردەماقىلاردى الۋشىلارعا قالتقىسىز قىزمەت كورسەتىلەدى، – دەدى ول.

ءىس-شارا سوڭىندا ۇمىتكەرلەر سۇراقتارعا جاۋاپ بەرىپ، «Nur Otan» پارتياسىنا داۋىس بەرۋگە شاقىرىپ، ۇگىت-ناسيحاتتىق جادىناما تاراتتى.

«Nur Otan» پارتياسى قىزىلوردا وبلىسىنىڭ سايلاۋ قورىنىڭ قاراجاتىنان تولەندى