«Nur Otan» پارتياسىنىڭ ءتىزىمى بويىنشا تاراز قالالىق ءماسليحاتىنىڭ دەپۋتاتتىعىنا كانديداتتار مينۋرا بوجىمبايەۆا مەن جاسۇلان بولدەش كونە شاھاردىڭ «دوروجنيك» يىنىندەگى تۇرعىندارمەن كەزدەسىپ، ۇگىت-ناسيحات جۇمىستارىن جۇرگىزدى. «دوروجنيك» - وبلىس ورتالىعىندا كەيىنگى جىلدارى قارقىندى دامىپ كەلە جاتقان اۋماقتىڭ ءبىرى. ۇلكەن جولدىڭ بويىندا ورنالاسقاندىقتان، مۇندا كاسىپكەرلىك نىساندارى دا كوپتەپ بوي كوتەرۋدە. سونىمەن قاتار تۇرعىنۇيلەر دە ساۋلەتتىك ۇلگىمەن سالىنۋدا. 
ۇمىتكەرلەر جۇرتشىلىقپەن جۇزدەسۋ بارىسىندا پارتيانىڭ سايلاۋالدى باعدارلاماسىندا قامتىلعان ناقتى مىندەتتەرگە كەڭىنەن توقتالدى. اسىرەسە، ينفراقۇرىلىمدى دامىتۋ باعىتىندا ءبىرقاتار وزگەرىستەر كۇتىپ تۇر. سونداي-اق تۇرعىنداردى ساياسي قۇرىلىمنىڭ دەنساۋلىقتى نىعايتۋ مەن سالاۋاتتى ءومىر سلاتىن قالىپتاستىرۋ تۇرعىسىنداعى تىڭ باستامالارى قىزىقتىرىپ وتىر. 
ايتا كەتۋ كەرەك، «Nur Otan» پارتياسى قالانىڭ سپورتتىق ينفراقۇرىلىم جەلىسىنىڭ كەڭەيۋى مەن قول جەتىمدىلىگىن ارتتىرۋعا ايرىقشا باسىمدىق بەرۋدە. بۇل ءۇشىن پارتيا تاۋكە حان كوشەسى بويىنداعى «بايتەرەك» مولتەك اۋدانىندا «مۇز سارايى»، جەڭىل اتلەتيكا مانەجى جانە تەننيس كورتىنىڭ، بۇدان باسقا 2022 جىلعا 2 دەنەشىنىقتىرۋ-ساۋىقتىرۋ كەشەنىنىڭ، 2025 جىلعا 25 سپورتتىق الاڭىنىڭ قۇرىلىسىن جۇرگىزۋگە، 2023 جىلعا 30 ستريت-ۆوركاۋت الاڭدارىن ورنالاستىرۋعا، ءار جىلدا 250-دەن كەم ەمەس جاپپاي سپورتتىق ءىس-شارا وتكىزۋگە ىقپال ەتۋدى كوزدەۋدە. بۇل جۇمىستار ارينە، جاپپاي سپورت تۇرلەرىن دامىتۋعا، تۇرعىنداردى قامتۋعا، دەنە شىنىقتىرۋ جانە سپورتپەن اينالىساتىنداردىڭ سانىن 30%-دان 36%-عا ارتتىرۋعا مۇمكىندىك بەرەدى.
كانديداتتارمەن كەزدەسۋ كەزىندە كوپشىلىك كوكەيلەرىندەگى سۇراقتارىن قويىپ، ناقتى جاۋاپتارعا قانىقتى.
«Nur Otan» پارتياسى تاراز قالالىق فيليالىنىڭ سايلاۋ قورىنان تولەندى
پىكىر قالدىرۋ