قىزىلوردا وبلىسى، ارال قالاسىندا «Nur Otan» پارتياسى اتىنان وبلىستىق ءماسليحات دەپۋتاتتىعىنا ۇمىتكەر مەيرامبەك جۇماشيەۆ سايلاۋشىلاردىڭ ۇيىندە كانۆاسسينگ كەزدەسۋ وتكىزدى.

ۇمىتكەر دەنساۋلىق ساقتاۋ سالاسىنىڭ ارداگەرى اسىلحان نۇرقوجايەۆ، جەكە كاسىپكەر بولاتبەك سارييەۆ، اۋداندى ءسۇت دانە نان ونىمدەرىمەن قامتاماسىز ەتىپ وتىرعان ارداگەر كاسىپكەر زاعالاددين وتەنوۆتىڭ شاڭىراعىندا بولدى. سايلاۋشىلاردىڭ جاعدايىن سۇراپ، پارتيانىڭ سايلاۋالدى باعدارلاماسىمەن تانىستىردى. كەزدەسۋدە دەنساۋلىق، كاسىپكەرلىك، ءبىلىم سالاسى ءسوز بولدى.

- پارتيا الداعى ۋاقىتتا جالپى 4 دارىگەرلەردىڭ ونىڭ ىشىندە وكۋليست، ەندوكرينولوگ، لور ماماندارى، پسيحياتر-ناركولوگتاردىڭ جەتىسپەۋشىلىگى ماسەلەسىن شەشۋگە، قاتەرلى ىسىككە شالدىققان ناۋقاستاردى امبۋلاتوريالىق ەمدەۋدىڭ تەگىن دارى-دارمەكتەرىمەن قامتاماسىز ەتۋ ماسەلەسىن ۇنەمى باقىلاۋدا ۇستاۋعا، قاتەرلى ىسىك اۋرۋىن ەرتە انىقتاۋ ماقساتىندا سكرينينگتىك زەرتتەۋلەر جۇرگىزۋدى ۇلعايتۋعا، اۋىلدىق مەديسينانى ماتەريالدىق-تەحنيكالىق جانە كولىكپەن قامتاماسىز ەتۋدى جوسپارلاپ وتىر. سەكسەۋىل كەنتىندە اۋرۋحانا جانە شيجاعا، قىزىلجار، بوگەن، توقاباي ەلدى مەكەندەرىنەن دارىگەرلىك امبۋلاتوريا قۇرىلىسىن سالىپ، جاقسىقىلىش كەنتىندەگى مەديسينالىق مەكەمەسىن كۇردەلى جوندەۋدەن وتكىزىپ، جاقسىقىلىش كەنتىنەن، جىڭىشكەقۇم، قوسامان، وكتيابر، ارالقۇم، قامىستىباس، امانوتكەل، قاراتەرەڭ ەلدى مەكەندەرىنەن ءدارىحانا پۋنكتتەرىن اشۋعا ىقپال ەتەدى، - دەدى ۇمىتكەر مەيرامبەك جۇماشيەۆ.
سالا ارداگەرلەرى ءوز كەزەگىندە ۇسىنىستارىن ايتىپ، ساتتىلىك تىلەدى. مەديسينا سالاسىنىڭ دامي تۇسۋىنە ارنالعان پارتيا جوسپارىنا ريزاشىلىعىن جەتكىزدى. «سىن-قاتەرلەرگە قاراماستان، «Nur Otan» پارتياسى ەكونوميكانىڭ تۇراقتىلىعىن قامتاماسىز ەتۋ ءۇشىن، قىزمەت جاساپ تۇرعان جۇمىس ورىندارىن ساقتاپ قالىپ جانە جاڭا جۇمىس ورىندارىن اشۋ ءۇشىن ەڭبەك ەتكەنىنە كۋامىز. پارتيانىڭ «ءبىز بىرگەمىز»، «ارداگەرلەردى ارداقتايىق»، «باقىتتى وتباسى» جوبالارىمەن جاقسى تانىسپىز. اۋدانىمىزدى ءقاۋىپسىز ءارى جايلى ەتۋ ءۇشىن بار كۇشىن سالاتىنىنا سەنىم بىلدىرەمىز»، - دەدى ارداگەر اسىلحان نۇرقوجايەۆ. ۇمىتكەر 10 قاڭتاردا وتەتىن سايلاۋعا شاقىرىپ، «Nur Otan» پارتياسىنا داۋىس بەرۋگە ۇگىتتەدى.

"Nur Otan" پارتياسىنىڭ قىزىلوردا وبلىسىنىڭ سايلاۋ قورىنىڭ قاراجاتىنان تولەندى