تاۋلى قاراباقتاعى شۋشا قالاسى ماڭىندا "ميناعا قارسى حالىقارالىق ورتالىق" مينادان تازارتۋ توبىنىڭ وفيسەرى قايتىس بولدى. بۇل تۋرالى رەسەي قورعانىس مينيسترلىگىنە سىلتەمە جاساي وتىرىپ ria.au سايتى حابارلادى.

"شۋشا ەلدى مەكەنى ماڭىنداعى جول ۋچاسكەسىن مينادان تازارتۋ كەزىندە جارىلىس قۇرىلعىسى بۇزىلدى"، – دەپ اتاپ ءوتتى ۆەدومستۆو قىزمەتكەرى.

ناتيجەسىندە اسكەري قىزمەتكەر اۋىر جاراقات الدى. وعان جەدەل مەديسينالىق كومەك كورسەتىلدى، الايدا گوسپيتالعا تاسىمالداۋ كەزىندە ول العان جاراقاتىنان قازا تاپتى.

قورعانىس مينيسترلىگىنىڭ حابارلاۋىنشا، اسكەري قىزمەتشىلەردىڭ وتباسىنا بارلىق مۇمكىن جانە قاجەتتى كومەك پەن قولداۋ كورسەتىلەدى.

بۇعان دەيىن، قاراباقتاعى قاقتىعىستىڭ اياقتالعانى حابارلانعان. ناتيجەسىندە رەسەي، ازەربايجان، ارمەنيا ەلدەرىنىڭ اراسىندا ءۇشجاقتى كەلىسىم جاسالىپ، قاراباق جانە دە بىرنەشە ايماق ازەربايجانعا قايتارىلعان بولاتىن. سوعىس قيمىلدارى اياقتالعانىمەن، وعان دەيىنگى ورناتىلعان جارىلعىش زاتتار ءالى كۇشىن ساقتاعان.