مەملەكەت باسشىسى قاسىم-جومارت توقايەۆ ءبىرقاتار وبلىس اكىمدەرىمەن كەڭەس وتكىزدى، دەپ حابارلادى اقوردا سايتى.
سايت مالىمەتىنشە، توقايەۆ اقوردا رەزيدەنسياسىندا نۇر-سۇلتان، الماتى، شىمكەنت قالالارىنىڭ جانە وبلىستاردىڭ اكىمدەرىمەن كەڭەس وتكىزدى.
جيىندا وڭىرلەردىڭ الەۋمەتتىك-ەكونوميكالىق دامۋ جانە مەملەكەتتىك باعدارلامالاردىڭ ورىندالۋىنا بايلانىستى ماسەلەلەر تالقىلاندى.
"پرەزيدەنت بۇعان دەيىن بەرىلگەن تاپسىرمالاردىڭ اتقارىلۋى جايىنداعى اكىمدەردىڭ ەسەبىن تىڭدادى. قاسىم-جومارت توقايەۆ وبلىستاردىڭ جانە رەسپۋبليكالىق ماڭىزى بار قالالاردىڭ باسشىلارىنا پاندەميا جاعدايىندا حالىقتىڭ قاجەتتىلىگىن قامتاماسىز ەتۋ ماڭىزدى ەكەنىن اتاپ ءوتتى.
جيىن سوڭىندا مەملەكەت باسشىسى اكىمدەرگە ايماقتاردى دامىتۋدىڭ، حالىقتىڭ تۇرمىسىن جاقسارتۋدىڭ وزەكتى ماسەلەلەرىن شۇعىل شەشۋ، سونداي-اق، جۇمىسپەن قامتۋ جول كارتاسىن ءتيىستى دەڭگەيدە جۇزەگە اسىرۋ جونىندە ءبىرقاتار ناقتى تاپسىرما بەردى" دەلىنگەن حابارلامادا.
پىكىر قالدىرۋ