19 جانە 21 جەلتوقسان ارالىعىندا ارمەنيا تاۋلى قاراباقتاعى 44 كۇندىك سوعىس كەزىندە قازا تاپقان ساربازدارىن ازا تۇتاتىن بولادى. بۇل تۋرالى dw.com سايتى مالىمدەدى.
ەريەۆان جۇرتشىلىعى بۇگىنگى ازا تۇتۋ شەرۋىندە قولدارىنا شىراق پەن گۇل ۇستاعان كۇيى "ەرابلۋر" اسكەري زيراتىنا دەيىن ءجۇرىپ ءوتتى. دىبىس كۇشەيتكىشپەن قازا تاپقان ادامداردىڭ ءاتى-جونى اتالدى.
27 قىركۇيەكتە باستالعان التى اپتالىق سوعىستا ءۇش مىڭعا جۋىق ارمياندىق سارباز مەرت بولعان.
10 قاراشا كۇنى تاۋلى قاراباقتا اسكەري ارەكەتتەردى توقتاتۋ تۋرالى شەشىم قابىلدانعان. ارمەنيا، ازەربايجان جانە رەسەي اراسىندا بولعان كەلىسىم بويىنشا، لاچين، اگدام، كەلبادجار اۋداندارى ازەربايجانعا قايتارىلىپ، باسقىنشى اسكەر ايماقتان شىعارىلدى.
پىكىر قالدىرۋ