يلون ماسك ءوز وتباسىنداعى بيزنەستە تابىسقا جەتكەن، ميلليونداعان اقشا تاپقان نەمەسە تانىمالدىلىققا قول جەتكىزگەن جالعىز ادام ەمەس.

ماسكتىڭ وتباسى گەنييلەر، كاسىپكەر مۋلتيميلليونەرلەر مەن جۇلدىزدارعا تولى. اكەسى – ينتەللەتۋالدىق دەڭگەيى (IQ) گەنيي دەڭگەيىندەگى ينجەنەر، شەشەسى – سۋرەتى الەمدىك ەڭ ءىرى باسىلىمداردىڭ مۇقاباسىندا جارىق كورگەن ايگىلى مودەل، ءىنىسى – مۋلتيميلليونەر، قارىنداسى – فيلم پروديۋسسەرى، بولەلەرى دە تابىستى تەحنولوگيالىق ميلليونەرلەر. 

يلون ماسكتىڭ اكەسى – ەررول ماسك

يلوننىڭ ايتۋىنشا، اكەسىنىڭ IQ دەڭگەيى گەنيي دەڭگەيىندە. 2017 جىلى روللينگ ستوۋن پروفيلىنە سايكەس ول وڭتۇستىك افريكادا كاسىبي ينجەنەرلەر بىلىكتىلىگىن العان ەڭ جاس ادام بولعان.

يلون كىشكەنتاي كەزىندە اكە-شەشەسى اجىراسقاننان كەيىن اكەسىمەن تۇردى. ول كەزدە ەررول ماسك قۇرىلىس جانە يزۋمرۋدتى تاۋ-كەن جۇمىستارىمەن اينالىسقان.

شەشەسى مەي ماسك

مەي ماسك 15 جاسىنان باستاپ ەلۋ جىل مودەل بولدى، ول "Special K" جارماسى قوراپتارىندا جانە Time جۋرنالىنىڭ مۇقاباسىنا شىققان جانە نيۋ-يورك ءسان اپتالىعىندا شوۋلاردا ونەر كورسەتكەن.

2017 جىلى مەي 69 جاسىندا CoverGirl وكىلى بولدى.

ءىنىسى كيمبال ماسك

ول مۋلتيميلليونەر، رەستوراتور جانە مەسەنات.

قازىرگى ۋاقىتتا كيمبال ماسك Kitchen Restaurant Group، Big Green دەپ اتالاتىن كوممەرسيالىق ەمەس ۇيىم جانە Square Roots قالالىق فەرمەرلىك كومپانياسى سەكىلدى ءۇش تاماق كومپانياسىنىڭ نەگىزىن قالاۋشى.

ول اعاسى يلون ماسكپەن بىرگە ءجاسوسپىرىم كەزىندە وڭتۇستىك افريكا رەسپۋبليكاسىنان كاناداعا قونىس اۋداردى. كيمبال Zip2 كومپانياسىن يلونمەن بىرگە قۇردى جانە ونى 1999 جىلى 307 ميلليون دوللارعا ساتتى. ول PayPal-دىڭ ينۆەستورى بولدى جانە قازىرگى ۋاقىتتا Tesla مەن SpaceX كومپانياسى كەڭەسىنىڭ مۇشەسى.

كيمبال ماسك نيۋ-يوركتەگى فرانسۋز اسپازدىق ينستيتۋتىنا وقۋعا ءتۇسىپ، 2010 جىلى قۇبىرداعى اپاتتا موينىن سىندىرىپ العان سوڭ مانسابىن تاماققا ارناۋعا بەل بۋعان.

كيمبال ەكى رەت ۇيلەندى.تالدىمەن دجەن ليەۆينمەن وتباسىن قۇردى. ونىمەن بىرگە The Kitchen Restaurant Group جانە Big Green-دى قۇردى. ولاردىڭ ءۇش بالاسى بار. لۋكا جانە اۆگۋست ەسىمدى ەكى ۇلى جانە ەسىمى بەلگىسىز ءۇشىنشى بالاسى بار.

يلوننىڭ ءىنىسى ەكس-ميللياردەر سەم ءۋايليدىڭ قىزى كريستيانا ۋايليگە 2018 جىلى داللاستا وتكەن "ينتيمدىك" ۇيلەنۋ تويىندا ۇيلەندى.

يلون ماسكتىڭ قارىنداسى توسكا ماسك Passionflix دەپ اتالاتىن كينو كومپانياسىنىڭ يەسى

توسكا ماسك 2001 جىلدان باستاپ فيلمدەر شىعارۋمەن اينالىسادى جانە IMDb پاراقشاسىندا وسى ۋاقىتقا دەيىن 30-دان استام فيلم تۇسىرگەن.

قازىرگى ۋاقىتتا ول Passionflixء-تىڭ نەگىزىن قالاۋشىسى جانە باس اتقارۋشى ديرەكتور. رومانتيكالىق روماندارعا بەيىمدەلگەن فيلمدەر تۇسىرەدى. توسكا كومپانيانى 2016 جىلى قۇردى جانە ينۆەستورلاردان 4 ميلليوننان استام دوللار جينادى.

ليندون ريۆ – SolarCity كومپانياسىنىڭ نەگىزىن قالاۋشى جانە يلون ماسكتىڭ بولەسى (شەشەلەرى ەگىز) 

ليندون ريۆ ءوزىنىڭ اعاسى پيتەرمەن بىرگە SolarCityء-دى 2006 جىلى قۇردى. ول 2016 جىلى كومپانيانى تەسلا 2،6 ميلليارد دوللارعا ساتىپ العانعا دەيىن كومپانيانىڭ باس ديرەكتورى بولىپ جۇمىس ىستەدى.

SolarCityء-دى باستاماس بۇرىن، 1999 جىلى ريۆ ءوزىنىڭ اعالارى راسس پەن پيتەرمەن بىرگە Everdream اتتى باعدارلامالىق جاساقتاما كومپانياسىن قۇردى. ولار سەگىز جىلدان كەيىن ونى 120 ميلليون دوللارعا Dell-گە ساتتى.

پيتەر ريۆ SolarCity نەگىزىن قالاۋشى جانە ماسكتىڭ بولەسى

پيتەر ريۆ SolarCity نەگىزىن قالادى جانە ونىڭ باس تەحنولوگيالىق قىزمەتكەرى بولدى. 2019 جىلدىڭ اقپانىندا ليندون دا، پيتەر ريۆ تە افريكاعا تازا، قول جەتىمدى ەنەرگيا اكەلۋگە باعىتتالعان Zola Electric ستارتاپىنا قوسىلدى.

راسس ريۆ - SuperUber دەپ اتالاتىن كوركەمدىك-تەحنيكالىق ءوندىرىس كومپانياسىنىڭ نەگىزىن قالاۋشى. ول دا ماسكتىڭ تۋعان بولەسى

راسس ريۆ ءوزىنىڭ باۋىرلارى ليندون جانە پيتەرمەن بىرگە Everdream دەپ اتالاتىن باعدارلامالىق جاساقتاما قۇردى. ول سودان بەرى Tesla مەن SpaceXء-تى ءوز كليەنتتەرىنىڭ قاتارىنا قوساتىن SuperUber وندىرىستىك كومپانياسىن قۇردى.

المەدا ريۆ - راسس، پيتەر جانە ليندوننىڭ قارىنداسى

Vanity Fair اقپاراتى بويىنشا، المەدا ريۆ باسەكەگە قابىلەتتى بايكەر، سونىمەن قاتار LinkedIn-گە سايكەس SolarCity-دە ساتىلىمداردا جۇمىس ىستەدى.

دجاستين ماسك - جازۋشى جانە يلون ماسكتىڭ ءبىرىنشى ايەلى

دجاستين ۋيلسون يلون ماسكپەن ونتاريو شتاتىنداعى كينگستونداعى Queen's University-دە وقىپ جۇرگەندە كەزدەستى. ماسك پەنسيلۆانيا ۋنيۆەرسيتەتىنىڭ ۆارتون مەكتەبىنە اۋىسقان كەزدە، ولار قايتادان قوسىلدى. ول كەزدە ماسك العاشقى ستارتاپتا جۇمىس ىستەگەن، ال دجاستين مەكتەپ بىتىرگەننەن كەيىن العاشقى رومانىن جازا باستادى.

ءدجاستيننىڭ ماري كلەردەگى وچەركى بويىنشا ولار 2000 جىلى ۇيلەندى.

ەرلى-زايىپتىلار لوس-اندجەلەسكە كوشىپ، نيەۆادا ەسىمدى ۇل تۋدى، ءبىراق نارەستە 10 اپتالىعىندا قايتىس بولدى. ولاردىڭ ەگىزدەرى مەن ۇشەمدەرى بولدى. ولار گريففين، كساۆە، داميان، ساكسون جانە كاي.

دجاستين ماري كلەردە ماسكپەن قارىم-قاتىناسىن دۇرىس بولماعانىن جازدى. ەرلى-زايىپتىلار 2008 جىلى اجىراسقان.

تالۋلا رايلي – انگليالىق اكتريسا. ماسك ەكەۋى ەكى رەت ۇيلەنگەن

ماسك دجاستيننەن اجىراسقاننان كەيىن، اكتريسا تالۋلا رايليمەن كەزدەسە باستادى.

رايلي مەن ماسك 2010 جىلى ۇيلەندى. ەكى جىلدان كەيىن ولاردىڭ اجىراسقانى ءمالىم بولدى. ماسك ءوزىنىڭ Twitter پاراقشاسىندا "بۇل تاڭعاجايىپ ءتورت جىل بولدى. مەن سەنى ماڭگىلىككە سۇيەمىن. سەن ءبىر كۇنى بىرەۋدى وتە باقىتتى ەتەسىڭ" دەپ جازدى.

ەرلى-زايىپتىلار 2013 جىلى قايتا ۇيلەندى. ءبىراق ماسك كەلەسى جىلى ەكىنشى اجىراسۋ تۋرالى ارىز جازدى، كەيىن ارىزىن قايتارىپ الدى. 2016 جىلى رايلي ماسكپەن اجىراسۋ تۋرالى ارىز بەردى جانە ولاردىڭ نەكەسى سول جىلى زاڭدى تۇردە اياقتالدى.

الايدا كەيىن ەكەۋى جاقسى قارىم-قاتىناستا بولدى. "ءبىز ءالى كۇنگە دەيىن ءبىر-بىرىمىزدى ۇنەمى كورىپ، قامقورلىق جاسايمىز" دەدى رايلي.

ماسك 2018 جىلى كانادالىق ءانشى گريمەسپەن كەزدەسە باستادى

گريمەستىڭ شىن اتى كلەر باۋچەر. 2018 جىلدىڭ مامىرىندا ماسك كانادالىق ءانشى جانە پروديۋسەر گريمەسپەن بىرگە مەتروپوليتەن ونەر مۋزەيىندەگى جىل سايىنعى كوستيۋمدەر ينستيتۋتىنا ارنالعان گالا فەستيۆالىنە كەلدى. سول كەزدە، Page Six بۇل جۇپ بىرنەشە اپتا بويى "ىڭ-جىڭسىز كەزدەسىپ جۇرگەن" دەپ حابارلادى.

2020 جىلى 4 مامىردا گريمەس دۇنيەگە ءسابيى كەلگەنىن راستادى. جۇپ ۇلدارىنا X Æ A-Xii دەپ ات قويعانىن جاريالادى.