پرەزيدەنت قاسىم-جومارت توقايەۆ "تەڭىزشيەۆرويل" جشس-نىڭ باس ديرەكتورى يمەر بوننەردى قابىلدادى، دەپ حابارلادى اقوردا سايتى.
سايت مالىمەتىنشە، باس ديرەكتور بوننەر پرەزيدەنت توقايەۆقا "تەڭىزشيەۆرويل" كومپانياسىنىڭ ءوندىرىس ورىندارى مەن "تەڭىز" كەنىشىندەگى كوروناۆيرۋس ىندەتىنە قارسى كۇرەس جۇمىستارى جايىندا باياندادى.
"كەزدەسۋدە كومىرسۋتەگى سەكتورىنداعى ينۆەستيسيالىق جوبالاردىڭ جۇزەگە اسىرىلۋى جانە كومپانيانىڭ الداعى 3-4 جىلداعى دامۋ پەرسپەكتيۆالارى تۋرالى ايتىلدى. مەملەكەت باسشىسى "تەڭىزشيەۆرويل" كومپانياسى ىسكە اسىرىپ جاتقان جوبالاردا قازاقستاندىق ۇلەستى قامتاماسىز ەتۋدىڭ ماڭىزدى ەكەنىنە نازار اۋداردى" دەلىنگەن حابارلامادا.
كەزدەسۋ سوڭىندا پرەزيدەنت توقايەۆ يمەر بوننەرگە قازاقستاننىڭ مۇناي-گاز سالاسىنىڭ دامۋىنا قوسقان ۇلەسى جانە كومپانياداعى تابىستى جۇمىسى ءۇشىن ريزاشىلىعىن ءبىلدىردى.
پىكىر قالدىرۋ