سەنات دەپۋتاتى ەدىل مامىتبەكوۆ ەكونوميكالىق ءوسۋدى قالپىنا كەلتىرۋ ماسەلەلەرى جونىندەگى زاڭ جوباسىنىڭ ماجىلىسكە قايتارىلۋىنا، ونىڭ ىشىندە زەينەتاقى جيناقتارىن تۇرعىن ۇيگە جانە ەمدەلۋگە پايدالانۋ جونىندەگى نورمالاردى قامتيتىن زاڭ جوباسىنا تۇسىنىكتەمە بەردى. ول زەينەتاقى جيناقتارىن الۋعا تىيىم سالۋدى سەنات ۇسىنباعاندىعىن ايتتى. بۇل تۋرالى ق ر پارلامەنتى سەناتىنىڭ باسپا ءسوز قىزمەتى حابارلادى.
– بۇگىن ءبىرقاتار بۇقارالىق اقپارات قۇرالدارىندا قازاقستاندىقتاردىڭ تۇسىنبەۋشىلىگىن تۋدىرعان اقپارات جاريالاندى. ياعني، سەنات ماجىلىسكە زەينەتاقى جيناقتارىن مەرزىمىنەن بۇرىن الۋ تۋرالى ەرەجەنى قايتارعانى حابارلاندى. ءتىپتى بىرەۋ مەنىڭ سوزىمە تىكەلەي سىلتەمە جاساعان. الايدا، مەن بۇل تۋراسىندا ەشتەڭە ايتپاعان ەدىم. ءبىزدىڭ وتىرىس تىكەلەي ەفيردە سەناتتىڭ سايتىندا كورسەتىلدى جانە ءقازىر YouTube-تا قولجەتىمدى. نەگىزىندە بۇگىنگى وتىرىستا سەناتورلار ەكونوميكالىق ءوسۋدى قالپىنا كەلتىرۋ ماسەلەلەرى بويىنشا كەيبىر زاڭنامالىق اكتىلەرگە ەنگىزىلەتىن تۇزەتۋلەردى قارادى. وسى اتالعان باعىتقا وزگەرىستەر مەن تولىقتىرۋلار ەنگىزىلدى. ازاماتتاردىڭ زەينەتاقى جيناقتارىنىڭ ءبىر بولىگىن تۇرعىن ءۇي ماسەلەلەرىن شەشۋ جانە ەمدەلۋ اقىسىن تولەۋ ءۇشىن پايدالانۋ قۇقىعىنا قاتىستى نورمالار وزگەرىسسىز قالدى، – دەيدى سەناتور.
اتالعان بولىمگە سەناتورلار ەشقانداي وزگەرىس ەنگىزبەگەن. سونداي-اق وتىرىستا قازاقستاندىقتاردىڭ زەينەتاقى جيناقتارىن مەرزىمىنەن بۇرىن الۋ مۇمكىندىگىنەن باس تارتۋ تۋرالى ءسوز بولماعان.
– مەملەكەت باسشىسىنىڭ تاپسىرماسى بويىنشا ءبىزدىڭ ازاماتتار زەينەتاقى جيناقتارىنىڭ ءبىر بولىگىن كەلەسى جىلدىڭ قاڭتار ايىنىڭ العاشقى كۇندەرىنەن ماجىلىسكە جىبەرىلدى. ولار تەك زاڭ جوباسىنىڭ جەكەلەگەن ەرەجەلەرىن ناقتىلايدى. بۇدان باسقا، بۇرىن دەپۋتاتتىق كورپۋس وسى بولىكتە ءبىرقاتار قوسىمشا شارالاردى پىسىقتاعان بولاتىن. ەسكە سالا كەتەيىن، جاقىندا سەناتورلار زەينەتاقى جيناقتارىن مەرزىمىنەن بۇرىن الۋ كەزىندە ءبىرجولعى تابىس سالىعىن ۇستاپ قالۋدى ەمەس، ونى زەينەتكەرلىككە شىققانعا دەيىن تولەۋدى كەيىنگە قالدىرۋدى جانە ادامدارعا ونى 16 جىل بويى ءبولىپ تولەۋگە مۇمكىندىك بەرۋدى ۇسىندى. وسىلايشا سەناتورلار زەينەتاقى جيناقتارىنىڭ ءبىر بولىگىن مەرزىمىنەن بۇرىن الۋ تۋرالى نورمانى قولدايدى. بۇل تۋرالى بۇگىن سەنات وتىرىسىندا دا ايتتىق، – دەدى دەپۋتات.
پىكىر قالدىرۋ