20 جەلتوقسان كۇنى بەينەۋدە ورتتەن دەنەسىنىڭ 80 پايىزىن كۇيىك شالعان 42 جاستاعى ەر ادام قايتىس بولدى. بۇل تۋرالى يناكتاۋ سايتى حابارلادى.

ماڭعىستاۋ وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، زارداپ شەگۋشى جاعدايىنىڭ وتە اۋىر بولعانىنا بايلانىستى ونى اقتاۋعا ساناۆياسيامەن تاسىمالداۋ مۇمكىن بولماعان.

زارداپ شەككەندەردىڭ تورتەۋى مەديسينا مەكەمەلەرىندە ەمدەلىپ جاتىر. دەنەسىنىڭ 40 پايىزىن كۇيىك شالعان ەر ادام مەن ونىڭ 11 جاسار ۇلى ماڭعىستاۋ وبلىستىق اۋرۋحاناسىندا جاتىر.

– ەر ادامنىڭ جاعدايى اۋىر، ول يۆل اپپاراتىنا قوسىلعان. دەنەسىنىڭ 50 پايىزىن كۇيىك شالعان بالا ءقازىر ءورت كەزىندەگى قورقىنىشتان ارىلدى. سويلەي باستادى. اقىل-ەسى دۇرىس. ءبىرشاما جاقسارۋ بايقالادى، – دەدى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.

ەسكە سالساق، 14 جەلتوقسان كۇنى ماڭعىشلاق-اقتوبە پويىزىندا جۇك ۆاگونى ورتكە ورانىپ، بەس ادام زارداپ شەكتى.