ءوزىن اتىراۋ قالاسىنداعى "تەڭىزشيەۆرويل" كومپانياسىنىڭ بۇرىنعى قىزمەتكەرى دەپ تانىستىرعان ەر ادام مۇناي-گاز كەن ورنىنداعى سىبايلاس جەمقورلىق پەن ۋلى شىعارىندىلارعا نازار اۋدارۋدى سۇراپ، پرەزيدەنت قاسىم-جومارت توقايەۆقا ەكى ۆيدەوۇندەۋ جاسادى. اتالعان بەينەجازبا Instagram-داعى "Kris P Brothers️️️" پاراقشاسىندا جاريالاندى.
"2016-2019 جىلدار ارالىعىندا مەن "تەڭىزشيەۆرويل" كومپانياسىندا جۇمىس ىستەدىم جانە ايىنا ءبىر ميلليون تەڭگە تاباتىنمىن. ءبىراق مەن وتە باقىتسىز بولدىم، ويتكەنى جەمقورلىق باسىم بولدى. تىكەلەي كەلىسىمشارت جاساسقان بارلىق جۇمىسشىلار بىرەۋدىڭ تۋىستارى بولدى. سالاۋاتتى باسەكەلەستىك بولعان جوق. سونداي-اق ەكولوگيا سالاسىندا كوپتەگەن بۇزۋشىلىقتار بولدى. مەن بۇعان، قورشاعان ورتانىڭ لاستانۋىنا جانە سىبايلاس جەمقورلىققا قارسى بولدىم. ولار شىندىققا شىداي الماي، مەنى ەشقانداي سەبەپسىز جۇمىستان شىعاردى. مەنىڭ سۇراعىم: نەگە ءبىزدىڭ ەلدە قاراپايىم جۇمىسشىلاردىڭ قۇقىعىن قورعايتىن زاڭدار جوق؟ نەلىكتەن ءىرى كومپانيالار جۇمىسشىلاردى سەبەپسىز جۇمىستان شىعارۋعا قۇقىلى؟" دەلىنگەن ءبىرىنشى ۆيدەودا.
"قۇرمەتتى قاسىم-جومارت كەمەل ۇلى، ەكولوگيا ءمينيسترى، مۇناي جانە گاز ءمينيسترى. تەڭىزدە قانشا شىعارىندىلار بولاتىنىن بىلەسىز بە؟ ەسەپتەردە مۇلدەم باسقاشا جازىلعان، ءبىراق ءىس جۇزىندە ول ەكىنشى چەرنوبىل بولۋى مۇمكىن. كۇكىرتسۋتەك، اممياك، رادياسيا جانە باسقا دا كوپتەگەن حيميالىق زاتتار شىعادى. ءبىزدىڭ ماماندار بۇل بويىنشا جۇمىس ىستەگىسى كەلمەيدى، ويتكەنى بىلىكسىز ادامدار ەڭ جاۋاپتى جانە جوعارى اقى تولەنەتىن لاۋازىمداردا وتىرادى. ولار شەشىم قابىلداي المايدى، ويتكەنى وندا سىبايلاس جەمقورلىقسىز جۇمىسقا ورنالاسۋ مۇمكىن ەمەس. ۋلى شىعارىندىلاردى تەكسەرۋ ءۇشىن شارالار قابىلداۋدى سۇرايمىن" دەلىنگەن ەكىنشى ۆيدەودا.
پوسموترەت ەتۋ پۋبليكاسيۋ ۆ Instagram
جەلى قولدانۋشى instagram-عا جاريالانعان ۆيدەونى قىزۋ تالقىلاپ جاتىر. بىرەۋلەر "جۇمىستان شىعىپ كەتكەن سوڭ، باسىن كوتەرىپ جاتىر" دەسە، ەندى ءبىرى مۇنايشىنىڭ "جان ايقايى" دەپ اتاۋ بەرۋدە.
پىكىر قالدىرۋ