ۇگىت-ناسيحات جۇمىستارى اياسىندا 20 جەلتوقسان كۇنى قاراقيا اۋدانىندا ەكى شارا ۇيىمداستىرىلدى. ءبىرى «ەسىكتەن ەسىككە» اكسياسى، ەكىنشىسى كانۆاسسينگ. اۋداندىق ءماسليحات دەپۋتاتىنا ۇمىتكەرلەر دارحان قىستاۋبايەۆ، ايدانا بازىلبەكوۆا اۋدانعا قاراستى سەنەك، قۇلاندى، بوستان اۋىلى تۇرعىندارىنىڭ ۇيلەرىنە باردى.
«Nur Otan» پارتياسى ءاربىر جەكە ازاماتتىڭ ءال-اۋقاتىنىڭ وسۋىنە ىقپال ەتەتىن ەكونوميكانى قۇرۋ مىندەتىن العا قويادى. اۋداندا 2 ءىرى لوگيستيكالىق بايلانىس تورابى بار. اتاپ ايتساق، قارقىندى دامىپ كەلە جاتقان «قۇرىق» تەڭىز پورتى مەن تۇرىكمەنستان رەسپۋبليكاسىمەن شەكارالاس ايماقتا ورنالاسقان «بولاشاق» تەمىرجول ستانساسى. حالىقتىڭ تابىسىن ارتتىرۋ ماقساتىندا پارتيا شەكارانىڭ ورنالاسۋ الەۋەتىن جانە قاراقيا ايماعىنداعى ونەركاسىپتىك ءوندىرىستىڭ ارتىقشىلىقتارىن پايدالانادى.
پارتيا قۇرىق اۋىلىندا ساقتاۋ كولەمى 3،9 ملن توننا، 500 ادامدى جۇمىسپەن قامتۋعا بولاتىن تەڭىزدىك وپەراسيالاردى قولداۋ بازاسىن سالۋعا، 2021 جىلى 300 ادام قىزمەت ەتەتىن «جەڭىس» كەنورنىندا بارلاۋ جۇمىستارىن باستاۋ، 5 مىڭ باس ءمۇيىزدى ءىرى قارا مالىن ۋاقىتشا ساقتايتىن كارانتيندىك ايماقتى ىسكە قوسۋ، «سارجا» كوپ سالالى لوگيستيكالىق ورتالىعىنىڭ (قويما عيماراتى) قۇرىلىسىن سالۋعا ىقپال ەتەتىن بولادى. بۇل شارالار 5 جىل ىشىندە جۇزەگە اسپاق.
كارانتيندىك شارالار كەزىندە پارتيا تاراپىنان اۋدان حالقىنا كومەكتەر كورسەتىلدى. ەلباسىنىڭ باستاماسىمەن وتكەن «Biz Birgemiz» اكسياسى اياسىندا «Nur Otan» پارتياسىنىڭ مۇشەلەرى مەن ەرىكتىلەر 470 استام وتباسىعا ازىق-تۇلىك جيىنتىقتىرىن جەتكىزدى، 1 089 مۇقتاج ادام ءارقايسىسىنا 50 مىڭ تەڭگەدەن الدى.
ۇمىتكەرلەر ءىس-شارا بارىسىندا بۇل جوسپارلى جۇمىستاردىڭ بارلىعىن حالىققا جەتكىزىپ، تولىق تانىستىردى. ءۇنپاراقتار تاراتىپ، 10 قاڭتار كۇنى سايلاۋعا قاتىسۋعا شاقىردى. اۋدان بويىنشا بارلىق سالانى ىلگەرىلەتۋ باستى ماقساتقا قويىلعانىن اتاپ ءوتىپ، بۇل ىستەردىڭ جۇزەگە اسۋىنا ەل حالقى سەبەپشى بولاتىنىن جەتكىزدى.
تۇرعىندار تاراپىنان ءبىلىم بەرۋ، دەنساۋلىق ساقتاۋ، الەۋمەتتىك قامسىزداندىرۋ سالالارىنا قاتىستى سۇراقتار قويىلدى. ۇمىتكەر لەر ازاماتتاردىڭ ءال-اۋقاتى ايماقتىڭ تۇراقتى الەۋمەتتىك-ەكونوميكالىق دامۋىنىڭ كورسەتكىشى ەكەنىن اتاپ ءوتىپ، پارتيا ءبىلىم بەرۋ، دەنساۋلىق ساقتاۋ جانە الەۋمەتتىك سالادا ساپالى قىزمەت كورسەتۋ ارقىلى حالىقتىڭ ءومىر ءسۇرۋ جاعدايىن جاقسارتۋعا جۇمىستانىپ جاتقانىن اتاپ ءوتتى. «Nur Otan» پارتياسىن قولداپ داۋىس بەرۋگە، جارقىن بولاشاققا بىرگە قادام باسۋعا شاقىردى.
Nur Otan پارتياسى ماڭعىستاۋ وبلىسى قاراقيا اۋدانىنىڭ سايلاۋ قورى قاراجاتى ەسەبىنەن تولەندى
پىكىر قالدىرۋ