قىتايلىق Alibaba كومپانياسى مونوپوليالىق تاجىريبەگە بايلانىستى تەكسەرىلىپ جاتىر. بۇل تۋرالى قىتايدىڭ نارىقتى رەتتەۋ جونىندەگى مەملەكەتتىك باسقارماسى بەيسەنبىدە مالىمدەدى.
رەتتەۋشىلەردىڭ اقپاراتىنا سايكەس، Alibaba ساۋداگەرلەردى باسەكەلەس پلاتفورمالاردا ءونىم ۇسىنۋعا مۇمكىندىك بەرمەيتىن ەكسكليۋزيۆتى مامىلەلەرگە قول قويۋعا ءماجبۇر ەتكەن.
سوڭعى كەزدەرى قىتايدىڭ Alibaba جانە Tencent سياقتى تەحنولوگيالىق الپاۋىتتارى جۇڭگو ۇكىمەتىنىڭ ءجىتى باقىلاۋىنا الىنعان.
"ميللياردەر دجەك ما نەگىزىن قالاعان Alibaba ۇكىمەتتىك باقىلاۋشىلاردىڭ رەپرەسسياسى مەن قاھارىنا ۇشىرادى" دەپ جازدى BBC.
وتكەن ايدا الەمدەگى ەڭ ءىرى اكسيا بولادى دەپ كۇتىلگەن "Alipay" قور نارىعىنداعى تىزىمنەن الىنىپ تاستالدى.
رەتتەۋشىلەر ءىرو نارىققا شىعارىلۋدان بىرنەشە كۇن بۇرىن ونى بۇعاتتاۋعا شەشىم قابىلدادى. وعان كومپانيانىڭ ميكروكرەديتتىك قىزمەتتەرى تۋرالى الاڭداۋشىلىق سەبەپ بولعان.
سودان بەرى تەحنولوگيالىق كومپانياعا بارلىق جاڭا مونوپولياعا قارسى ەرەجەلەر ەنگىزىلدى. سونىڭ سالدارىنان Alibabaنىڭ نارىقتىق قۇنى شامامەن 140 ملرد دوللار نەمەسە 17% تومەندەدى.
پىكىر قالدىرۋ