باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين رەسەي مەمدۋماسى دەپۋتاتتارىنىڭ قازاقستان تەرريتورياسى جايلى ايتقان مالىمدەمەسىنە پىكىر ءبىلدىردى. بۇل تۋرالى ول facebook پاراقشاسىندا جازدى.

– قازاقستاننىڭ سىرتقى ىستەر ءمينيسترى مۇحتار تىلەۋبەردى ديپلوماتيالىق تۇردە ءبىزدىڭ اۋماعىمىزدىڭ، شەكارامىزدىڭ تۇتاستىعىنا اۋىزشا قول سۇققان رەسەيلىك دەپۋتاتتار مەن ساياساتتانۋشىلارعا تاريحتى ۇيرەتتى.

"جوعارى ءبىلىم الىپ، وتانىمىزدىڭ تاريحىن بىلە تۇرا، مەن ورىس تىلىندەگى بۇل سوزگە كەلەسىدەي جاۋاپ بەرەر ەدىم: ەتو برەد سيۆوي كوبىلى. سىرتقى ىستەر ءمينيسترى رەتىندە بۇل رەسەي فەدەراسياسىنىڭ رەسمي ۇستانىمىنا سايكەس كەلمەيتىنىن ايتقىم كەلەدى".

قازاق حالىق ساياساتىندا بۇل "جىنىمدى كەلتىرمەڭىزشى!" دەگەندى بىلدىرەدى، – دەپ جازدى سەرىك جۇمانعارين پاراقشاسىندا.

ەسكە سالساق، رەسەي دۋماسىنىڭ دەپۋتاتى جانە "بولشايا يگرا" باعدارلاماسىنىڭ جۇرگىزۋشىسى ۆياچەسلاۆ نيكونوۆ "پەرۆىي كانال" مەملەكەتتىك تەلەارناسىنىڭ ەفيرىندە "قازاقستان اۋماعى – رەسەي تاراپىنان جاسالعان سىي" دەپ مالىمدەگەن.