جۇمىسقا شىعىپ، حابار-وشارسىز كەتكەن اتىراۋلىق ءالى تابىلمادى، دەپ جازادى "اق جايىق" سايتى.
21 جەلتوقسان كۇنى ساعات 16.00-دە اتىراۋ وبلىسى توتەنشە جاعداي دەپارتامەنتىنە قۇرمانعازى اۋدانى كوپتوعاي اۋىلىنىڭ 50 جاستاعى تۇرعىنى حابار-وشارسىز كەتكەنى تۋرالى حابارلاما ءتۇستى.
ءبىر كۇن بۇرىن ول ادەتتەگىدەي كورشى شورتانباي اۋىلىنا جۇمىسقا كەتىپ (ەكى اۋىلدى بەتىنە مۇز قاتقان قيعاش وزەنى ءبولىپ جاتىر)، ۇيىنە ورالماعان.
جوعالعان ەر ادامنىڭ اعاسى قۇتقارۋشىلارعا حابار بەرگەننەن باستاپ اۋدانداعى قۇتقارۋشىلار، پوليسيا جانە ەرىكتىلەر (بارلىعى 65 ادام) ىزدەۋ جۇمىستارىن جۇرگىزۋدە. ازىرگە ناتيجە جوق.
پىكىر قالدىرۋ