اقش-تىڭ 7ء-شى فلوتى جۇڭگو اسكەري كۇشتەرى اقش-تىڭ زىمىران جويعىشىن وكشەلەي قۋعانىن حابارلادى. ال The Global Times ۆاشينگتون سوعىس كەمەلەرىنىڭ وڭتۇستىك قىتايداعى شەكارالىق ايماققا جاقىنداعانىن جازدى.
اقش-تىڭ رەسمي وكىلى Fox News-كە بەيجىڭنىڭ سوعىس كەمەسى اقش اسكەري كەمەسىنىڭ سوڭىنان ەرىپ وتىرعانىن ايتتى. ول كەزدە اقش سوعىس كەمەسى قىتايدىڭ دجونسون وڭتۇستىك ءريفى مەن گاۆەن ريفىندەگى اسكەري عيماراتقا جاقىنداعان.
اقش-تىڭ 7ء-شى فلوتى ميسسيا تۋرالى ەگجەي-تەگجەيلى مالىمدەمە جاساپ، ونىڭ حالىقارالىق ەرەجەلەرگە ساي بولعانىن مالىمدەدى.
وندا ۆاشينگتون جاساعان "ءىس-قيمىلدار حالىقارالىق نورمالارعا سايكەس كەلدى" دەلىنگەن.
ميسسيا اقش-تىڭ داۋلى وڭتۇستىك جۇڭگو تەڭىز ايماعى ارقىلى ەركىن ءوتۋ قۇقىعىن قورعاۋدىڭ بىرنەشە ارەكەتىنىڭ ءبىرى بولدى.
ال قىتايلىق Global Times گازەتى "اقش ارەكەتى قىتايدىڭ ەگەمەندىگى مەن قاۋىپسىزدىگىن ەلەۋلى بۇزۋ جانە بۇل وڭتۇستىك جۇڭگو تەڭىزىندەگى بەيبىتشىلىك پەن تۇراقتىلىقتى ايتارلىقتاي نۇقسان كەلدىردى" دەپ جازدى.
باسىلىم جۇڭگو حالىق ازاتتىق ارمياسىنىڭ وڭتۇستىك تەڭىز باسقارما وكىلى اعا پولكوۆنيك تيان ءدجۋنليدىڭ "كوماندالىق اسكەرلەر ءاردايىم جوعارى دايىندىقتا بولادى جانە وزدەرىنىڭ ۇلتتىق ەگەمەندىگى مەن قاۋىپسىزدىگىن، سونداي-اق ايماقتاعى بەيبىتشىلىك پەن تۇراقتىلىقتى ساقتاۋ جونىندەگى مىندەتتەرى مەن ميسسيالارىن بەرىك ورىندايدى" دەگەن سوزدەرىن جاريالادى.
پىكىر قالدىرۋ