ءبىلىم جانە عىلىم ءمينيسترى اسحات ايماعامبەتوۆ مۇعالىمدەردى كوپتەگەن ەسەپتىلىكتەن ارىلتۋ ءۇشىن زاڭدى نەگىزدەر پايدا بولعانىن مالىمدەدى. بۇل تۋرالى ول ورتالىق كوممۋنيكاسيالار قىزمەتىندە وتكەن ونلاين بريفينگتە ايتتى.
– ورتا، تەحنيكالىق جانە كاسىپتىك ءبىلىم بەرۋ ۇيىمدارىنىڭ پەداگوگتەرى تولتىرۋعا مىندەتتى قۇجاتتاردىڭ ناقتى تىزبەسى بەلگىلەندى. ارتىق ەسەپتىلىكتى تالاپ ەتكەنى ءۇشىن لاۋازىمدى تۇلعالار ايىپپۇل تۇرىندە اكىمشىلىك جاۋاپكەرشىلىككە تارتىلادى. مەكتەپ باسشىسى مەن ونىڭ ورىنباسارلارى تولتىراتىن ناقتى قاجەتتى قۇجاتتار ءتىزىمى دە بەلگىلەنگەن، قاجەتى جوق قۇجاتتار الىنىپ تاستالدى، – دەيدى ول.
سونىمەن قاتار مينيستر جاڭا وقۋ جىلىنان باستاپ جوعارى وقۋ ورىندارىندا قاتاڭ ەسەپتەگى قۇجاتتاردىڭ 11 فورماسى الىنىپ تاستالاتىنىن حابارلادى.
ونىڭ ايتۋىنشا بۇل وقىتۋشىلارعا ساباققا دايىندالۋعا جانە كاسىبي دامۋعا كوبىرەك ۋاقىت بولۋىنە مۇمكىندىك بەرەدى.
وقي وتىرىڭىز: ايماعامبەتوۆ كىمدەردىڭ جالاقىسى وسەتىنىن ايتتى
پىكىر قالدىرۋ