بۇگىن “اق جول” پارتياسىنىڭ ۇگىت-ناسيحات توبى تالدىقورعان قالاسىندا بولدى. ۇگىت-ناسيحات توبىن ايماققا پارتيا ليدەرى ازات پەرۋاشيەۆ ءوزى باستاپ باردى.

پارتيا بەلسەندىلەرى بۇل جولى «كاينار-اكب» اككۋمۋلياتور زاۋىتىندا بولىپ مۇنداعى جۇمىسشىلاردىڭ وي-پىكىرىن تىڭدادى.

«كاينار-اكب» اككۋمۋلياتور زاۋىتىنىڭ وندىرىستىك قۋاتىن ارتتىرۋعا الەۋەتى بار. الايدا كەيبىر ماسەلەلەر زاۋىتتىڭ ودان ءارى كۇشەيۋىنە توقساۋىل بولىپ وتىر. ءقازىر ايىنا 340 مىڭ دانا اككۋمۋلياتور شىعارۋعا شاماسى جەتىپ تۇر. ال، وسى ايدا ءتىپتى 550 مىڭ دانا اككۋمۋلياتورعا تاپسىرىس كەلىپ تۇسكەن. سوندىقتان كاسىپورىن باسشىلارى قاراپ وتىرماي وندىرىستىك قۋاتىن ارتتىرۋعا تىرىسىپ-اق جاتىر. دايىن بولعان قازاقستاندىق ءونىم رەسەيگە، قىتايعا، وزبەكستانعا، پولشاعا، گەرمانياعا، يتالياعا جونەلتىلەدى.

بۇگىن پارتيا ءتوراعاسى ازات پەرۋاشيەۆ بۇل ۇجىمنىڭ جۇمىسشىلارىمەن جەكە پىكىرلەستى. مۇندا ءقازىر 1200 ادام ەڭبەك ەتىپ جاتىر. جۇمىسشىلردىڭ جالاقىسى ورتاشا ەسەپپەن 180-220 مىڭ تەڭگە. الايدا، كەشەگى لوكداۋن كەزىندە زاۋىت ەكى ايعا توقتاپ تۇردى. سوندىقتان جۇمىسشىلاردىڭ كوكەيىندە تاعى دا سول جاعداي قايتالانا ما دەگەن كۇماندى سۇراق بار.

زاۋىت باسشىلارىن الاڭداتىپ وتىرعان باستى ماسەلە زاۋىتقا ونىمدىلىكتى ارتتىرۋ ءۇشىن شيكىزات جەتپەي جاتىر. بۇل ماسەلەنى شەشۋدىڭ ەكى جولى بار. ءبىرىنشىسى قورعاسىندى وزبەكستاننىن اكەلۋ، ەكىنشىسى ەلدەگى تاۋ-كەن كاسىپورىندارىنان تىكەلەي سالىپ الۋ. الايدا، وزبەكستان مەملەكەتى قورعاسىندى ەكسپورتقا شىعارۋعا تىيىم سالعان. ال، شيكىزاتتى تاۋ-كەن كومپانيالارىنان الۋ تىم قىمبات. وتاندىق وندىرىستەر مەتاللدى لوندون قور بيرجاسىندا بەلگىلەنگەن باعاعا ساتىپ الۋى قاجەت. وعان تاسىمال باعاسىن تاعى قوسىڭىز. “اق جول” پارتياسى ۇكىمەت وسى ماسەلەنى نازارعا الۋى قاجەت دەگەن پىكىردە.