«Nur Otan» پارتياسى وڭىرلەرگە ساپارىن جالعاستىرۋدا. بۇگىن رەسپۋبليكالىق سايلاۋالدى شتاب مۇشەلەرى باتىس قازاقستان وبلىسىنا كەلدى.

ءوڭىردىڭ ۇستازدار قاۋىمىمەن كەزدەسۋدە الداعى 5 جىلدا ءبىلىم سالاسىن دامىتۋدىڭ نەگىزگى باسىمدىقتارى تالقىلاندى.

«ءبىزدىڭ مىندەتىمىز – ءمۇعالىم كاسىبىنىڭ بەدەلىن ودان ءارى كوتەرىپ، ۇستازعا قۇرمەتتى كۇشەيتۋ. ەندى پەداگوگتار جالاقىسى 2 ەسە وسەتىن بولادى. 2025 جىلعا قاراي 800 جاڭا ءبىلىم بەرۋ نىسانىن سالۋ ەسەبىنەن اپاتتى جانە ءۇش اۋىسىمدى مەكتەپ ماسەلەسى شەشىلەدى. سونداي-اق، شاعىن قالالاردا، اۋدان ورتالىقتارى مەن اۋىلداردا 5 مىڭ مەكتەپ جاڭعىرتىلادى. بارلىق اۋىلدىق مەكتەپتەر جىلدامدىعى جوعارى ينتەرنەتپەن قامتىلادى»، - دەپ اتاپ ءوتتى رەسپۋبليكالىق سايلاۋالدى شتاب جەتەكشىسى باۋىرجان بايبەك.

بۇدان سوڭ بيلەۋشى پارتيا وكىلدەرى ۆولونتەرلارمەن، ستۋدەنت جاستارمەن جانە ەتنومادەني بىرلەستىكتەر وكىلدەرىمەن كەزدەستى. پارتيا باسپا ءسوز قىزمەتىنىڭ مالىمەتىنشە، 11 جەلتوقساندا وتكەن «Jas Otan»-نىڭ سەزىندە باستاۋ العان «مەن Nur Otan-عا مۇشە بولامىن» جاستار چەللەندجىنىڭ اياسىندا بيلەۋشى پارتيا قاتارىنا ءقازىردىڭ وزىندە 6 مىڭنان استام جاس قازاقستاندىق قوسىلدى.

«ەلباسىنىڭ مەملەكەتتىك باعدارىنىڭ ساباقتاستىعىن ساقتاي وتىرىپ، «Nur Otan» قوعامدا، اسىرەسە جاستار اراسىندا ءوزارا قۇرمەت پەن بارشا ازاماتتىڭ تەڭدىگى قۇندىلىعىن دارىپتەۋدى جالعاستىرادى. ءبىزدىڭ باعدارلامامىزدا جاستاردى جۇمىسپەن قامتۋعا جانە ولاردىڭ ءوز قابىلەتتەرىن جۇزەگە اسىرۋى ءۇشىن جاعداي جاساۋعا ەرەكشە ءمان بەرىلگەن. مەملەكەت باسشىسى قاسىم-جومارت توقايەۆ «Nur Otan» سەزىندە اتاپ وتكەندەي، سۇرانىسقا يە ماماندىقتار بويىنشا جوعارى ءبىلىم الۋعا ارنالعان گرانتتار سانىن 50%-كە ۇلعايتۋ جوسپارلانىپ جاتىر. جاستار ۇيىمدارىنىڭ جوبالارىن جانە ۆولونتەرلىك قوزعالىستى دامىتۋدى گرانتتىق قارجىلاندىرۋ 1،5 ەسە ۇلعايتىلادى»، - دەدى ول.

نازاربايەۆ ۋنيۆەرسيتەتىنىڭ ۇلگىسىمەن 2 وڭىرلىك وزىق جوعارى وقۋ ورنى اشىلادى. ءتيىمسىز ءبىلىم وردالارى كەزەڭ-كەزەڭمەن جابىلادى. سونىمەن قاتار سۇرانىسقا يە ماماندىقتار بويىنشا تەگىن ءبىلىم الۋ ءۇشىن 180 كوللەدجدىڭ ماتەريالدىق-تەحنيكالىق بازاسىن جاڭارتۋ شارالارى قابىلدانادى.

وسى كۇنى سايلاۋالدى شتاب مۇشەلەرى ورال ترانسفورماتور زاۋىتىنىڭ جۇمىسشىلارىمەن كەزدەسۋدە ءوڭىردىڭ پروبلەمالارىن تالقىلادى.

پارتيا 5 جىل ىشىندە وبلىستا 800 كم-دەن استام اۆتوموبيل جولدارىن جوندەۋ، اۋىل تۇرعىندارىنىڭ سۋمەن قامتىلۋىن 100%-عا جەتكىزۋ مىندەتىن قويىپ وتىر. وڭىردە 11 جاڭا مەكتەپ جانە 2 ميلليون شارشى مەتردەن اسا تۇرعىن ءۇي سالىنادى. وسى ارقىلى الەۋمەتتىك مۇقتاج ازاماتتارعا 8 مىڭ پاتەر بەرىلەتىن بولادى.

گاز ءتاريفىن تومەندەتۋ بويىنشا دا ءبىرقاتار شارالار جوسپارلانعان. سونىمەن بىرگە وڭىردە مۇناي-گاز-حيميا ونىمدەرىن ءوندىرۋ زاۋىتىن سالۋ مۇمكىندىگى قاراستىرىلىپ جاتىر. پارتيا بارلىق مۇددەلى تاراپتارمەن بىرلەسىپ جايىق وزەنىنىڭ تارتىلۋى ماسەلەسى بويىنشا قاجەتتى شارالاردىڭ قولعا الىنۋىنا قول جەتكىزەتىن بولادى.

«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى