قازىرگى تاڭدا ءموبيلدى مونيتورينگتىك توپتاردان جانە جەرگىلىكتى پوليسيا قىزمەتىنەن تۇسكەن ماتەريالدارعا سايكەس، ق ر "اكىمشىلىك قۇقىق بۇزۋشىلىق تۋرالى" كودەكسىنىڭ 425-بابى 1-بولىگى بويىنشا انىقتالعان بۇزۋشىلىقتار ءۇشىن 169 592 630  تەڭگە كولەمىندە 1251  ايىپپۇل سالىندى، دەپ حابارلادى سانيتارلىق ەپيديميولوگيالىق باقىلاۋ كوميتەتى.

بۇگىنگى كۇنى كوورديناسيالىق ورتالىقتاردان تۇسكەن شۇعىل حابارلاما نەگىزىندە جوسپاردان تىس 19 تەكسەرۋ جۇرگىزىلدى. تەكسەرىس قورىتىندىسى بويىنشا 18 وبەكتىگە 5 028 180 تەڭگە كولەمىندە ايىپپۇل سالىندى، 18 ۇيعارىم بەرىلدى، وبەكتىنىڭ جۇمىسىن توقتاتۋ بويىنشا 13 ماتەريال اكىمشىلىك سوتقا جىبەرىلدى.

اتاپ ايتۋ كەرەك، شەكتەۋ كارانتين شارالارىن بىرنەشە رەت بۇزعان 13 نىسان بويىنشا ماتەريالدار (قوعامدىق تاماقتانۋ وبەكتىلەرى سالتاناتتى، وتباسىلىق، ۇجىمدىق ءىس-شارالار وتكىزدى، كاراوكە، كومپيۋتەرلىك كلۋبتار جۇمىس ىستەدى) قىزمەتىن توقتاتۋ ءۇشىن اكىمشىلىك سوتقا بەرىلدى. ول وبەكتىلەر مىنالار: «ديانا»، «اندر»، «سالتانات سارايى»، «دۋلات»، «1001 ءتۇن»، «عارىش»، «نۇر»، «حان وردا» مەيرامحانالارى، «دۋشا» كاراوكە كلۋبى،  «Virtual club» ، «Sun STRIKE» ويىن كلۋبى (كومپيۋتەرلىك)  جانە ت.ب.

سونىمەن قاتار، جەرگىلىكتى اتقارۋشى ورگاندار جانىنان ۇيىمداستىرىلعان ءموبيلدى توپتار تاراپىنان كاسىپكەرلىك وبەكتىلەرىندە شەكتەۋ كارانتيندىك شارالارىن ساقتاۋ بويىنشا مونيتورينگ كۇشەيتىلەتىنى ەسكە سالىندى.