سۇلتان وسەربايەۆپەن بىرگە وبلىستىق ءماسليحات دەپۋتاتتىعىنا ۇمىتكەر زاۋرەش قادىربەكوۆا، ءمادي مۇلكەمانوۆ جانە اۋداندىق ءماسليحات دەپۋتاتتىعىنا كانديداتتار مىرزاعالي كۇزەربايەۆ، ەرىك كۋرۋمبايەۆ جانە ايشا يدىبو ءجۇرىپ، الدىمەنەن بۋلار باتىر اۋىلىنا ات باسىن بۇردى. اۋىلدىق دۇكەننىڭ الدىندا جەرگىلىكتى تۇرعىندارمەن ەكسپرومت كەزدەسۋ وتكىزگەن كانديداتتار حالىقتى ەلىمىزدىڭ تاعدىرىنا بەي-جاي قاراماي، الداعى سايلاۋ ناۋقانىنا بەلسەنە قاتىسۋعا ۇگىتتەدى.
پارتيانىڭ سايلاۋالدى باعدارلاماسىن كەڭىنەن ناسيحاتتاعان ۇمىتكەرلەر سوڭعى جىلدارى اۋدانداعى اتقارىلعان جۇمىستاردى باياندادى. تۇرعىندار پارتيانىڭ جانە ەلباسىنىڭ قولداۋىمەن جاسالعان تىندىرىمدى تىرلىكتەرگە وڭ باعاسىن بەرىپ، ءارقاشاندا «Nur Otan» پارتياسىن قولدايتىندارىن جەتكىزدى. 
وسىدان كەيىن ۇگىت-ناسيحات توبى سورتوبە اۋىلىنا جول تارتىپ، «كانديدات قوناققا» كانۆاسسينگى اياسىندا اۋىل تۇرعىنى ومار حاربييەۆتىڭ ۇيىنە باردى. زەينەتكە شىققان اقساقال جارى فاتمە حاربييەۆامەن بىرگە 6 بالانى ءوسىرىپ، ولاردان ۇرپاق ءسۇيىپ، تاربيەلەۋدە. ءومىر بويى ەڭبەككە ارالاسقان ومار حاربييەۆ بۇگىندە سول بەلسەندىلىگىن جالعاستىرىپ اۋىلدىق اقساقالدار كەڭەسىندە جۇمىس جاساپ، جاستارعا تاربيە بەرۋ ىسىنە اتسالىسىپ كەلەدى. حاربييەۆتەر وتباسىمەن سۇحبات قۇرىپ، حال-جاعدايىن سۇراستىرعان كانديداتتار 10 قاڭتار كۇنى سايلاۋعا كەلۋىن سۇرادى. بۇل ناۋقاندا «Nur Otan» پارتياسىن قولداۋعا ۇگىتتەدى. كەيىننەن كانديداتتار سورتوبە اۋىلىنىڭ كوشەلەرىن ارالاپ «ەسىكتەن ەسىككە» اكسياسىن جۇرگىزدى.
وسى كۇنى سورتوبە اۋىلدىق مادەنيەت ۇيىنە حالىق جينالىپ، «Nur Otan» پارتياسىنىڭ سايلاۋالدى باعدارلاماسىن تىڭدادى. سۇلتان وسەربايەۆ، زاۋرەش قادىربەكوۆا، ءمادي مۇلكەمانوۆ، مىرزاعالي كۇزەربايەۆ، ەرىك كۋرۋمبايەۆ جانە ايشا يدىبو پارتيانىڭ قولداۋى جانە باستاماسىمەن اتقارىلعان جۇمىستاردى جىپكە ءتىزدى. ماسەلەن، زاۋرەش قادىربەكوۆا مەديسينا سالاسىندا اتقارىلعان جۇمىستاردى باياندادى. سوڭعى جىلدارى اۋداندا 8 دارىگەرلىك امبۋلاتوريا، 4 فەلدشەرلىك اككۋشەرلىك پۋنكت، 9 تيپتىك مەديسينالىق پۋنكت سالىنعان. ورتالىق اۋرۋحاناعا كومپيۋتەرلى توموگراف، ۋلترادىبىستىق ەكسپەرت كلاستى اپپاراتتار، وكپەنى جاساندى جەلدەتۋ اپپاراتتارى، جاڭا تۋعان نارەستەگە ارنالعان ينكۋباتور، سيفرلى رەنتگەن اپپاراتى، سيفرلى مامموگراف، جىلجىمالى مەديسينالىق كەشەندەر الىنعان. ال، الداعى جىلى اۋدان ورتالىعىندا اۋرۋحانا سالىنسا، سورتوبە اۋىلىندا دا جاڭا اۋرۋحانا سالۋ جوسپاردا بار.
ءوز سوزىندە سۇلتان وسەربايەۆ ق ر پارلامەنتى ماجىلىسىنە دەپۋتات رەتىندە سايلاناتىن بولسا ءبىرىنشى كەزەكتە جاستار ساياساتىنا ۇلكەن كوڭىل بولەتىنىن جەتكىزدى. ونىڭ سوزىنشە، جاستارعا كوپ مۇمكىندىك بەرۋ كەرەك. ءبىلىم، عىلىم سالاسىن دامىتىپ، جاستارعا كاسىبىن اشىپ بەرۋگە مول مۇمكىندىكتەر جاسالۋى ءتيىس.
اۋىل تۇرعىندارى بيىل سورتوبەگە گاز قۇبىرى تارتىلعانىنا ءدان ريزا. سونىمەن قاتار، اۋىلداعى جولدار جوندەلىپ، اۋقاتتى-بايتەرەك-وتەگەن تاس جولى اشىلدى. بۇل اۋدان ورتالىعىنا قاتىناۋدى ايتارلىقتاي جەڭىلدەتكەنى راس. مۇنىمەن قوسا كەلەسى جىلى سورتوبە-اۋقاتتى-قىزىلساي تاس جولى دا جوندەلمەك. وسىنىڭ بارلىعى پارتيانىڭ ارقاسىندا ەكەنىن ءبىر اۋىزدان ايتقان سورتوبەلىكتەر الداعى سايلاۋدا «Nur Otan» پارتياسىن قولدايتىندارىن جەتكىزدى.
"Nur Otan" پارتياسىنىڭ سايلاۋ قورىنىڭ قاراجاتىنان تولەندى
