«Nur Otan» پارتياسىنىڭ رەسپۋبليكالىق سايلاۋالدى شتابى وڭىرلەردە تۇرعىندارىمەن كەزدەسۋدى جالعاستىرۋدا. بۇگىن بيلەۋشى پارتيا وكىلدەرى الماتى وبلىسىنا كەلدى.
«ينفراەنەرگو» ەلەكتروتەحنيكا ونىمدەرىن شىعاراتىن كاسىپورىن ۇجىمىمەن كەزدەسۋدە پارتيانىڭ وڭىرلىك سايلاۋالدى باعدارلاماسىنىڭ نەگىزگى باسىمدىقتارى تالقىلاندى.
«Nur Otan» الداعى 5 جىلدا وڭىردە 134 مىڭنان استام جۇمىس ورنىن اشۋدى، 31 مىڭ ورىندى قۇرايتىن 80 جاڭا مەكتەپ سالۋ ارقىلى ءۇشاۋىسىمدى وقۋ ماسەلەسىن شەشۋدى، 120 اۋىلدىڭ 190 مىڭ تۇرعىنىن ساپالى اۋىز سۋمەن قامتاماسىز ەتۋدى، 72 دەنساۋلىق ساقتاۋ نىسانىن، سونداي-اق 120 مىڭنان استام پاتەر سالۋدى جوسپارلاپ وتىر. 
وسى كۇنى سايلاۋالدى شتاب مۇشەلەرى ب ا ق وكىلدەرىمەن، وتانداس-قانداستارمەن جانە جاستارمەن كەزدەستى.
الماتى وبلىسىنا ساپارى بارىسىندا «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ءبىرقاتار ازاماتتاردى قابىلدادى. 
ماسەلەن، قابىلداۋدا نازەركە ءابدىحالىقوۆا رايىمبەك اۋدانىندا ەمحانا سالۋ ماسەلەسىن كوتەرسە، شونجى اۋىلىنان كەلگەن كوپبالالى انا زاعيرا الىمحودجايەۆا سالىنىپ جاتقان جالدامالى تۇرعىن ءۇي سانىن ارتتىرۋدى ءوتىندى. ال امانگەلدى ءشارىپقۇلوۆ ايتەي اۋىلى تۇرعىندارىنىڭ ەلەكترمەن جابدىقتاۋ ماسەلەسىن شەشۋ جونىندەگى ءوتىنىشىن جەتكىزدى. بۇل ماسەلەلەر نۇروتاندىقتاردىڭ سايلاۋالدى ۋادەلەرى اياسىندا شەشىلەتىن بولادى. 
«ەلباسى، پارتيا ليدەرى نۇرسۇلتان نازاربايەۆ اتاپ وتكەندەي، «ازاماتتارمەن ءاردايىم تىعىز بايلانىستا بولۋ – ءبىزدىڭ پارتيامىزعا كورسەتىلەتىن تاۋسىلماس حالىقتىق قولداۋدىڭ قاينار كوزى». جالپى، ۇگىت كەزەڭى باستالعاننان بەرى ءبىزدىڭ قوعامدىق قابىلداۋلارعا 56 مىڭنان استام ءوتىنىش ءتۇستى، ونىڭ ىشىندە 20 مىڭدايى – سايلاۋشىلاردىڭ ۇسىنىسى مەن اماناتى. كانديداتتار مەن سەنىم بىلدىرىلگەن تۇلعالار 7،3 مىڭ قابىلداۋ وتكىزدى. حالىق تاراپىنان تۇسكەن بارلىق ءوتىنىش پەن امانات ەرەكشە پارتيالىق باقىلاۋعا الىنادى»، - دەدى پارتيانىڭ رەسپۋبليكالىق سايلاۋالدى شتاب جەتەكشىسى. 
باسپا ءسوز قىزمەتىنىڭ حابارلاۋىنشا، ازاماتتاردى نەگىزىنەن كەلەسى ماسەلەلەر تولعاندىرادى: الەۋمەتتىك قامتاماسىز ەتۋ - 22%، تكش - 17%، تۇرعىن ءۇي مەن جەر ۋچاسكەلەرىن ءبولۋ - 12%، جۇمىسقا ورنالاستىرۋ جانە ەڭبەك داۋلارى - 8%، دەنساۋلىق ساقتاۋ - 6%، ءبىلىم بەرۋ - 5% جانە ت.ب.
«Nur Otan» پارتياسىنىڭ سايلاۋ قورى قاراجاتى ەسەبىنەن تولەندى.
پىكىر قالدىرۋ