پرەزيدەنت پارلامەنت سەناتىنىڭ ءتوراعاسى ماۋلەن اشىمبايەۆتى قابىلدادى، دەپ حابارلادى اقوردا سايتى.
سايت مالىمەتىنشە، اشىمبايەۆ مەملەكەت باسشىسىنا جوعارعى پالاتانىڭ بيىلعى زاڭ شىعارۋ قىزمەتىنىڭ نەگىزگى قورىتىندىلارى تۋرالى اقپارات بەرگەن.
سەنات سپيكەرى پرەزيدەنتتىڭ قازاقستان حالقىنا ارناعان جولداۋىندا ايتىلعان ماسەلەلەردى ىسكە اسىرۋدى قامتاسىز ەتۋگە باعىتتالعان زاڭداردىڭ قابىلدانعانىنا توقتالدى.
"اتاپ ايتقاندا، جاڭا "ەكولوگيالىق كودەكس"، "تەحنيكالىق رەتتەۋ تۋرالى تۋرالى" زاڭ، "قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەت باسشىسىنىڭ "جاڭا جاعدايداعى قازاقستان: ءىس-قيمىل كەزەڭى" اتتى قازاقستان حالقىنا جولداۋىنىڭ جەكەلەگەن ەرەجەلەرىن ىسكە اسىرۋ ماسەلەسى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ قابىلدانعان. ماۋلەن اشىمبايەۆ اتالعان قۇجاتتاردىڭ بارلىعى ەلىمىزدىڭ الەۋمەتتىك-ەكونوميكالىق دامۋىن، حالقىمىزدىڭ تۇرمىس ساپاسىن ارتتىرۋعا باعىتتالعانىن اتاپ ءوتتى" دەلىنگەن حابارلامادا.
قاسىم-جومارت توقايەۆ الداعى ۋاقىتتا ەلىمىزدە ساياسي جاڭعىرتۋ جانە ەكونوميكالىق دامۋ باعدارلامالارىنىڭ جالعاساتىنىن، باسقا سالالار بويىنشا دا اۋقىمدى جۇمىستاردىڭ اتقارىلاتىنىن ايتىپ، سەناتقا اتالعان باعىتتاردى زاڭمەن قامتاماسىز ەتۋدى تاپسىردى.
پىكىر قالدىرۋ