امەريكا قۇراما شتاتتارى ميسسۋري شتاتىنىڭ سەناتورى دجوش حوۋلي بايدەننىڭ سايلاۋداعى جەڭىسىنە قارسى شىقتى. ول پرەزيدەنتتىك سايلاۋداعى جاپپاي الاياقتىق ماسەلەسىنە بايلانىستى جانە سايلاۋدىڭ تۇتاستىعىنا قاتىستى تۇيتكىلدەر بار ەكەنىن ايتتى.
كونگرەسستىڭ تومەنگى پالاتاسى سانالاتىن وكىلدەر پالاتاسىنداعى رەسپۋبليكاشىلدار توبى دا سايلاۋ ناتيجەلەرىمەن كەلىسپەۋدى جوسپارلاپ وتىر.
قاراشا ايىنداعى پرەزيدەنتتىك سايلاۋ ناتيجەسىنە سايكەس دجو بايدەن 306 داۋىسقا، دونالد ترامپ 232 داۋىسقا يە بولعان.
6 قاڭتاردا كونگرەسس داۋىستاردى راستاۋى كەرەك. جاڭا سايلانعان پرەزيدەنت پەن ۆيسە-پرەزيدەنت انت بەرەتىن يناۋگۋراسيا كۇنى 20 قاڭتاردا وتەدى.
دەگەنمەن رەسمي سايلاۋ ناتيجەسى بويىنشا جەڭىلگەن ترامپ بىرنەشە رەت "داۋىس بەرۋ كەزىندە بۇرمالاۋشىلىقتار بولدى"، "جاپپاي الاياقتىققا جول بەرىلدى" دەپ مالىمدەدى. الايدا پرەزيدەنتتىڭ ناتيجەلەردى جويۋ جونىندەگى ارەكەتتەرىن سوتتار قابىلدامادى.
پىكىر قالدىرۋ